ਅਰਜੁਨ ਫੀਡੇ ਰੇਟਿੰਗ ਵਿੱਚ ਪੰਜਵੇਂ ਸਥਾਨ ’ਤੇ ਪਹੁੰਚਿਆ

ਨਵੀਂ ਦਿੱਲੀ:

ਗਰੈਂਡਮਾਸਟਰ ਅਰਜੁਨ ਏਰੀਗੈਸੀ ਫਰੈਂਚ ਟੀਮ ਸ਼ਤਰੰਜ ਚੈਂਪੀਅਨਸ਼ਿਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਕੇ ਫੀਡੇ ਰੇਟਿੰਗ ਵਿੱਚ ਪੰਜਵੇਂ ਸਥਾਨ ’ਤੇ ਪਹੁੰਚ ਗਿਆ ਹੈ। ਦਰਜਾਬੰਦੀ ਵਿੱਚ ਉਹ ਭਾਰਤੀਆਂ ’ਚੋਂ ਸਭ ਤੋਂ ਉੱਪਰ ਹੈ। ਅਰਜੁਨ ਦੀ ਈਐੱਲਓ ਰੇਟਿੰਗ 2769.7 ਹੈ। ਉਸ ਤੋਂ ਅੱਗੇ ਨਾਰਵੇ ਦਾ ਮੈਗਨਸ ਕਾਰਲਸਨ, ਅਮਰੀਕਾ ਦੇ ਹਿਕਾਰੂ ਨਾਕਾਮੁਰਾ ਅਤੇ ਫੈਬੀਆਨੋ ਕਾਰੂਆਨਾ ਅਤੇ ਰੂਸ ਦਾ ਇਆਨ ਨੈਪੋਮਿਨੀਆਚੀ ਹੈ। ਅਰਜੁਨ ਇੱਥੇ ਤੱਕ ਪਹੁੰਚਣ ਵਾਲਾ ਵਿਸ਼ਵਨਾਥਨ ਆਨੰਦ ਤੋਂ ਬਾਅਦ ਦੂਜਾ ਭਾਰਤੀ ਹੈ। ਮੇਟਜ਼ ਫਿਸ਼ਰ ਸ਼ਤਰੰਜ ਕਲੱਬ ਲਈ ਖੇਡ ਰਹੇ ਏਰੀਗੈਸੀ ਨੇ ਪੰਜ ’ਚੋਂ ਚਾਰ ਮੈਚ ਜਿੱਤੇ ਹਨ। ਉਹ ਹਮਵਤਨੀ ਪੀ ਹਰੀਕ੍ਰਿਸ਼ਨ ਅਤੇ ਜਰਮਨੀ ਦੇ ਵਿਤਾਲੀ ਕੁਨਿਨ ਨੂੰ ਵੀ ਹਰਾ ਚੁੱਕਾ ਹੈ। ਟੂਰਨਾਮੈਂਟ ਦੇ ਹਾਲੇ ਦੋ ਗੇੜ ਬਾਕੀ ਹਨ। -ਪੀਟੀਆਈ