ਗਲੀ ’ਚ ਖੜ੍ਹਾ ਮੋਟਰਸਾਈਕਲ ਹਟਾਉਣ ਉੱਤੇ ਝਗੜਾ; ਗੰਭੀਰ ਜ਼ਖ਼ਮੀ

ਪੱਤਰ ਪ੍ਰੇਰਕ
ਲਹਿਰਾਗਾਗਾ, 31 ਮਾਰਚ
ਇੱਥੇ ਵਾਰਡ ਇਕ ਦੀ ਗਲੀ ਵਿੱਚ ਖੜ੍ਹਾ ਮੋਟਰਸਾਈਕਲ ਹਟਾਉਣ ਨੂੰ ਲੈ ਕੇ ਹੋਏ ਝਗੜੇ ਵਿੱਚ ਨੌਜਵਾਨ ਗੰਭੀਰ ਜ਼ਖ਼ਮੀ ਹੋ ਗਿਆ। ਜ਼ਖ਼ਮੀ ਯਾਦਵਿੰਦਰ ਸਿੰਘ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਲਹਿਰਾਗਾਗਾ ਵਿੱਚ ਦਾਖਲ ਕਰਵਾਇਆ ਗਿਆ ਜਿੱਥੋਂ ਉਸ ਨੂੰ ਰਾਜਿੰਦਰਾ ਹਸਪਤਾਲ ਪਟਿਆਲਾ ਰੈਫਰ ਕਰ ਦਿੱਤਾ।
ਸਿਟੀ ਪੁਲੀਸ ਦੇ ਮੁਖੀ ਥਾਣੇਦਾਰ ਗੁਰਦੇਵ ਸਿੰਘ ਨੇ ਦੱਸਿਆ ਕਿ ਹਰਦੀਪ ਸਿੰਘ ਨੀਟੂ ਵਾਸੀ ਰਾਮਪੁਰਾ ਜਵਾਹਰ ਵਾਲਾ ਦੇ ਬਿਆਨ ’ਤੇ ਰਾਜਿੰਦਰ ਕੌਰ ਬਿੰਦਰ ਤੇ ਰਣਧੀਰ ਸਿੰਘ ਜੱਸੀ ਵਾਸੀ ਵਾਰਡ ਇਕ ਲਹਿਰਾਗਾਗਾ ਖਿਲਾਫ ਕੇਸ ਦਰਜ ਕਰਕੇ ਅਗਲੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।