ਭਾਰਤ ’ਚ ਵਿਵਾਦਾਂ ਦੇ ਹੱਲ ਦਾ ਪਸੰਦੀਦਾ ਤਰੀਕਾ ਬਣਨ ਲੱਗੀ ਸਾਲਸੀ: ਸੂਰਿਆ ਕਾਂਤ

ਸੁਪਰੀਮ ਕੋਰਟ ਦੇ ਜਸਟਿਸ ਸੂਰਿਆ ਕਾਂਤ ਨੇ ਅੱਜ ਕਿਹਾ ਕਿ ਕੌਮਾਂਤਰੀ ਸਾਲਸੀ ਨੇਮ ਤੇ ਵਿਦੇਸ਼ੀ ਸਾਲਸੀ ਅਦਾਲਤਾਂ ਦੇ ਫ਼ੈਸਲੇ ਲਾਗੂ ਕਰਨ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਹਮੇਸ਼ਾ ਸ਼ੱਕ ਤੋਂ ਪਰੇ ਰਹੀ ਹੈ। ਉਨ੍ਹਾਂ ਆਖਿਆ ਕਿ ਇਹ ਵਿਵਾਦ-ਹੱਲ ਪ੍ਰਣਾਲੀ ਦੇਸ਼ ਵਿੱਚ ਵਿਵਾਦਾਂ ਦੇ ਹੱਲ ਦਾ ਪਸੰਦੀਦਾ ਤਰੀਕਾ ਬਣ ਕੇ ਉੱਭਰ ਰਹੀ ਹੈ। ਕੌਮਾਂਤਰੀ ਸਾਲਸੀ ਅਤੇ ਕਾਨੂੰਨ ਦੇ ਸ਼ਾਸ਼ਨ ’ਤੇ ਅਧਾਰਿਤ ਇੱਕ ਸੰਮੇਲਨ ਦੇ ਸਮਾਪਤੀ ਸਮਾਗਮ ਮੌਕੇ ਜਸਟਿਸ ਸੂਰਿਆ ਕਾਂਤ ਨੇ ਆਖਿਆ, ‘‘ਅੱਜ ਭਾਰਤ ਸਾਲਸੀ ਦੇ ਇੱਕ ਨਵੇਂ ਯੁੱਗ ਦੀ ਦਹਿਲੀਜ਼ ’ਤੇ ਖੜ੍ਹਾ ਹੈ। ਸਾਲਸੀ ਨਾ ਸਿਰਫ ਸਾਡੇ ਦੇਸ਼ ’ਚ ਵਿਵਾਦਾਂ ਦੇ ਨਿਬੇੜੇ ਦਾ ਇੱਕ ਪਸੰਦੀਦਾ ਤਰੀਕਾ ਬਣ ਕੇ ਉੱਭਰ ਰਹੀ ਹੈ ਬਲਕਿ ਇਸ ਨੂੰ ਲਗਾਤਾਰ ਢਾਂਚਾਗਤ ਹਮਾਇਤ ਵੀ ਮਿਲ ਰਹੀ ਹੈ।’’ -ਪੀਟੀਆਈ