ਰਤੀਆ ਹਲਕੇ ਲਈ ਕਰੋੜਾਂ ਰੁਪਏ ਦੇ ਨਿਰਮਾਣ ਕਾਰਜਾਂ ਨੂੰ ਮਨਜ਼ੂਰੀ: ਨਾਪਾ

ਪੱਤਰ ਪ੍ਰੇਰਕ
ਰਤੀਆ, 16 ਫਰਵਰੀ
ਵਿਧਾਇਕ ਲਛਮਣ ਨਾਪਾ ਦੇ ਯਤਨਾਂ ਸਦਕਾ ਰਤੀਆ ਵਿਧਾਨ ਸਭਾ ਹਲਕੇ ਲਈ ਕਰੋੜਾਂ ਰੁਪਏ ਦੇ ਕਈ ਨਿਰਮਾਣ ਕਾਰਜ ਮਨਜ਼ੂਰ ਹੋ ਚੁੱਕੇ ਹਨ। ਵਿਧਾਇਕ ਨੇ ਦੱਸਿਆ ਕਿ ਪਿੰਡ ਅਲੀਕਾ ਵਿੱਚ 1 ਕਰੋੜ 19 ਲੱਖ 31 ਹਜ਼ਾਰ ਰੁਪਏ ਦੀ ਲਾਗਤ ਨਾਲ ਚਾਰੇ ਪਾਸੇ ਫਿਰਨੀ ਬਣਾਈ ਜਾਵੇਗੀ। ਪਿੰਡ ਵਿੱਚ 3 ਲੱਖ 56 ਹਜ਼ਾਰ ਰੁਪਏ ਨਾਲ ਸ਼ਮਸ਼ਾਨਘਾਟ ਲਈ ਸ਼ੈੱਡ ਬਣਾਇਆ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਪਿੰਡ ਹਡੋਲੀ ਵਿੱਚ 14 ਲੱਖ 60 ਹਜ਼ਾਰ ਰੁਪਏ ਨਾਲ ਸ਼ਮਸ਼ਾਨਘਾਟ ਦੀ ਚਾਰਦੀਵਾਰੀ ਬਣਾਈ ਜਾਵੇਗੀ। ਵਿਧਾਇਕ ਲਛਮਣ ਨਾਪਾ ਨੇ ਦੱਸਿਆ ਕਿ ਰਤੀਆ ਖੇਤਰ ਦੇ 9 ਪਿੰਡਾਂ ਕੁਨਾਲ, ਸੁਖਮਨਪੁਰ, ਬਲਿਆਲਾ, ਰੋਜਾਵਾਲੀ, ਕੰਵਲਗੜ੍ਹ, ਰੱਤਾਖੇੜਾ, ਭੂੰਦੜਵਾਸ, ਮੁਨਸ਼ੀਵਾਲੀ ਅਤੇ ਢਾਣੀ ਬਿਲਾਸਪੁਰ ਵਿੱਚ 6 ਕਰੋੜ 16 ਲੱਖ 77 ਹਜ਼ਾਰ ਰੁਪਏ ਦੀ ਲਾਗਤ ਨਾਲ ਗ੍ਰਾਮ ਸਕੱਤਰੇਤ ਬਣਾਏ ਜਾਣਗੇ।