ਅਨੁਸ਼ਕਾ ਤੇ ਵਿਰਾਟ ਨੇ ਮੁੰਬਈ ਦੇ ਕੈਫੇ ’ਚ ਫੁਰਸਤ ਦੇ ਪਲ ਮਾਣੇ

ਮੁੰਬਈ:

ਬੌਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਅਤੇ ਉਸ ਦੇ ਪਤੀ ਤੇ ਕ੍ਰਿਕਟਰ ਵਿਰਾਟ ਕੋਹਲੀ ਨੂੰ ਮੁੰਬਈ ਦੇ ਕੈਫੇ ਵਿੱਚ ਦੇਖਿਆ ਗਿਆ। ਮੁੰਬਈ ਦੇ ਬਾਂਦਰਾ ਇਲਾਕੇ ’ਚ ਸਥਿਤ ਕੈਫੇ ਬੇਨੇ ਨੇ ਇਸ ਜੋੜੇ ਦੀਆਂ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਸ ਤੋਂ ਇਲਾਵਾ ਅਨੁਸ਼ਕਾ ਸ਼ਰਮਾ ਨੇ ਵੀ ਇੰਸਟਾਗ੍ਰਾਮ ’ਤੇ ਇਨ੍ਹਾਂ ਤਸਵੀਰਾਂ ਨੂੰ ਅਪਲੋਡ ਕੀਤਾ ਹੈ। ਇਸ ਮੌਕੇ ਅਨੁਸ਼ਕਾ ਤੇ ਵਿਰਾਟ ਨੇ ਕੈਫੇ ਦੇ ਸਟਾਫ਼ ਨਾਲ ਫੋਟੋਆਂ ਖਿਚਵਾਈਆਂ। ਇਸ ਮੌਕੇ ਅਨੁਸ਼ਕਾ ਨੇ ਖਾਕੀ ਪੈਂਟ ਤੇ ਸਫੈਦ ਟੀ-ਸ਼ਰਟ ਪਾਈ ਹੋਈ ਸੀ ਅਤੇ ਟੀ-ਸ਼ਰਟ ’ਤੇ ਵੱਡੇ ਸਾਈਜ਼ ਦੀ ਕਮੀਜ਼ ਪਾਈ ਹੋਈ ਸੀ ਜਦੋਂਕਿ ਵਿਰਾਟ ਨੇ ਸਫੈਦ ਕਮੀਜ਼ ਅਤੇ ਕੈਪ ਪਾਈ ਹੋਈ ਸੀ। ਇਨ੍ਹਾਂ ਦੋਵਾਂ ਨੇ ਇਸ ਕੈਫੇ ਵਿੱਚ ਫੁਰਸਤ ਦੇ ਪਲ ਮਾਣੇ। ਵਿਰਾਟ ਤੇ ਅਨੁਸ਼ਕਾ ਵੱਲੋਂ ਕੈਫੇ ਦੇ ਸਟਾਫ ਨਾਲ ਖਿਚਵਾਈ ਫੋਟੋ ਤੇਜ਼ੀ ਨਾਲ ਵਾਇਰਲ ਹੋਈ ਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੇ ਹਾਂ-ਪੱਖੀ ਟਿੱਪਣੀਆਂ ਕੀਤੀਆਂ। ਅਨੁਸ਼ਕਾ ਸ਼ਰਮਾ ਦੇ ਕੰਮ ਦੀ ਗੱਲ ਕਰੀਏ ਤਾਂ ਉਹ ਅਗਲੀ ਸਪੋਰਟਸ ਬਾਇਓਪਿਕ ਫਿਲਮ ‘ਚੱਕਦਾ ਐਕਸਪ੍ਰੈਸ’ ਵਿੱਚ ਨਜ਼ਰ ਆਵੇਗੀ, ਜੋ ਸਾਬਕਾ ਭਾਰਤੀ ਕ੍ਰਿਕਟਰ ਝੂਲਨ ਗੋਸਵਾਮੀ ਦੇ ਜੀਵਨ ’ਤੇ ਅਧਾਰਿਤ ਹੈ। ਇਸ ਫਿਲਮ ਦੀ ਰਿਲੀਜ਼ ਹੋਣ ਦੀ ਤਰੀਕ ਹਾਲੇ ਐਲਾਨੀ ਨਹੀਂ ਗਈ। -ਏਐੱਨਆਈ