ਪੀਡਬਲਿਊਡੀ ਫੀਲਡ ਤੇ ਵਰਕਸ਼ਾਪ ਵਰਕਰਜ਼ ਯੂਨੀਅਨ ਦਾ ਸਾਲਾਨਾ ਇਜਲਾਸ

ਪੱਤਰ ਪ੍ਰੇਰਕ
ਹੁਸ਼ਿਆਰਪੁਰ, 13 ਨਵੰਬਰ
ਪੀਡਬਲਿਊਡੀ ਫੀਲਡ ਅਤੇ ਵਰਕਸ਼ਾਪ ਵਰਕਰਜ਼ ਯੂਨੀਅਨ ਜ਼ੋਨ ਹੁਸ਼ਿਆਰਪੁਰ ਦਾ 15ਵਾਂ ਡੈਲੀਗੇਟ ਇਜਲਾਸ ਨਹਿਰ ਕਲੋਨੀ ਕੰਪਲੈਕਸ ਵਿੱਚ ਸੂਬਾ ਪ੍ਰਧਾਨ ਮੱਖਣ ਸਿੰਘ ਵਾਹਿਦਪੁਰੀ, ਆਲ ਇੰਡੀਆ ਸਟੇਟ ਗੌਰਮਿੰਟ ਪੈਨਸ਼ਨਰਜ਼ ਫੈਡਰੇਸ਼ਨ ਦੇ ਸੱਕਤਰ ਮਨਜੀਤ ਸਿੰਘ ਸੈਣੀ, ਪੰਜਾਬ ਸੁਬਾਰਡੀਨੇਟ ਸਰਵਿਸਿਜ਼ ਫੈਡਰੇਸ਼ਨ ਜ਼ਿਲ੍ਹਾ ਜਨਰਲ ਸਕੱਤਰ ਇੰਦਰਜੀਤ ਸਿੰਘ ਵਿਰਦੀ ਅਤੇ ਪੰਜਾਬ ਸਟੇਟ ਟਿਊਬਵੈਲ ਕਾਰਪੋਰੇਸ਼ਨ ਦੇ ਸੂਬਾ ਪ੍ਰਧਾਨ ਗੁਰਪ੍ਰੀਤ ਸਿੰਘ ਦੀ ਅਗਵਾਈ ਹੇਠ ਹੋਇਆ। ਮਨਜੀਤ ਸਿੰਘ ਸੈਣੀ ਨੇ ਜਥੇਬੰਦੀ ਦੀ ਲੋੜ ਅਤੇ ਇਤਿਹਾਸ ਬਾਰੇ ਵਿਸਥਾਰ ਨਾਲ ਦੱਸਿਆ। ਸੁਖਦੇਵ ਸਿੰਘ ਜਾਜਾ ਨੇ ਪਿਛਲੇ ਸਮੇਂ ਦੀ ਜਨਰਲ ਰਿਪੋਰਟ ਅਤੇ ਕੈਸ਼ੀਅਰ ਰਾਜੀਵ ਸ਼ਰਮਾ ਨੇ ਵਿੱਤ ਰਿਪੋਰਟ ਪੇਸ਼ ਕੀਤੀ। ਅਮਰਜੀਤ ਕੁਮਾਰ ਨੇ ਆਉਣ ਵਾਲੇ ਸਮੇਂ ਵਿੱਚ ਚੁਣੌਤੀਆਂ ਦਾ ਟਾਕਰਾ ਕਰਨ ਲਈ ਜਥੇਬੰਦੀ ਨੂੰ ਹੋਰ ਮਜ਼ਬੂਤ ਕਰਨ ਦਾ ਸੱਦਾ ਦਿੱਤਾ ਅਤੇ ਜਥੇਬੰਦੀ ਦੀ ਪਹਿਲੀ ਟੀਮ ਨੂੰ ਭੰਗ ਕੀਤਾ।
ਸੂਬਾ ਪ੍ਰਧਾਨ ਮੱਖਣ ਸਿੰਘ ਵਾਹਿਦਪੁਰੀ ਵੱਲੋਂ ਨਵੀਂ ਟੀਮ ਦਾ ਪੈਨਲ ਪੇਸ਼ ਕੀਤਾ। ਸਰਬਸੰਮਤੀ ਅਮਰਜੀਤ ਕੁਮਾਰ ਨੂੰ ਪ੍ਰਧਾਨ, ਰਾਜੀਵ ਸ਼ਰਮਾ, ਸ਼ਾਂਤੀ ਸਰੂਪ, ਵਿਨੋਦ ਕੁਮਾਰ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਬਲਵੰਤ ਸਿੰਘ, ਪ੍ਰੀਤਮ ਸਿੰਘ, ਜਸਵੀਰ ਸਿੰਘ, ਟੇਕ ਚੰਦ, ਜਗਦੀਸ਼ ਲਾਲ ਨੂੰ ਮੀਤ ਪ੍ਰਧਾਨ, ਸੁਖਦੇਵ ਸਿੰਘ ਜਾਜਾ ਨੂੰ ਜਰਨਲ ਸਕੱਤਰ, ਮੋਹਣ ਲਾਲ, ਗੁਰਨਾਮ ਸਿੰਘ, ਤਰਲੋਚਨ ਸਿੰਘ, ਅਮੋਲਕ ਸਿੰਘ ਨੂੰ ਸਹਾਇਕ ਸੱਕਤਰ, ਗੁਰਮੀਤ ਸਿੰਘ ਨੂੰ ਕੈਸ਼ੀਅਰ, ਰਾਕੇਸ਼ ਕੁਮਾਰ ਨੂੰ ਸਹਾਇਕ ਕੈਸ਼ੀਅਰ ਗੁਰਦੀਪ ਸਿੰਘ ਨੂੰ ਪ੍ਰੈਸ ਸਕੱਤਰ, ਸਤੀਸ਼ ਕੁਮਾਰ, ਰਵਿੰਦਰ ਕੁਮਾਰ ਨੂੰ ਸਹਾਇਕ ਪ੍ਰੈਸ ਸਕੱਤਰ, ਗੁਰਨਾਮ ਚੰਦ, ਸ਼ਾਮ ਸਿੰਘ, ਤਰਸੇਮ ਲਾਲ, ਅਜੇ ਕੁਮਾਰ, ਰਿੰਕੂ ਨੂੰ ਜਥੇਬੰਦਕ ਸਕੱਤਰ, ਅਸ਼ੋਕ ਕੁਮਾਰ, ਜਗਦੀਸ਼ ਸਿੰਘ, ਸਤਵਿੰਦਰ ਸਿੰਘ, ਤਿਲਕ ਰਾਜ, ਕਰਮਜੀਤ ਸਿੰਘ, ਹਰਕੇਸ਼ ਕੁਮਾਰ, ਮਹਿੰਗਾ ਸਿੰਘ, ਅਵਤਾਰ ਸਿੰਘ ਨੂੰ ਪ੍ਰਚਾਰ ਸਕੱਤਰ ਅਤੇ ਮੱਖਣ ਸਿੰਘ ਵਾਹਿਦਪੁਰੀ ਨੂੰ ਮੁੱਖ ਸਲਾਹਕਾਰ ਚੁਣਿਆ ਗਿਆ।