ਹੋਲੀ ਮੈਰੀ ਸਕੂਲ ’ਚ ਸਾਲਾਨਾ ਸਮਾਗਮ

ਬਨੂੜ:

ਇੱਥੋਂ ਦੇ ਹੋਲੀ ਮੈਰੀ ਸਕੂਲ ਵੱਲੋਂ ਸਕੂਲ ਦਾ ਸਿਲਵਰ ਜੁਬਲੀ ਅਤੇ ਸਾਲਾਨਾ ਸਮਾਗਮ ਕੀਤਾ ਗਿਆ। ਇਸ ਮੌਕੇ ਮੁਹਾਲੀ ਦੀ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਡਾ ਗਿੰਨੀ ਦੁੱਗਲ ਨੇ ਮੁੱਖ ਮਹਿਮਾਨ ਵਜੋਂ ਅਤੇ ਉੱਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਅੰਗਰੇਜ ਸਿੰਘ ਨੇ ਵਿਸ਼ੇਸ਼ ਮਹਿਮਾਨ ਵੱਜੋਂ ਸ਼ਮੂਲੀਅਤ ਕੀਤੀ। ਸਮਾਗਮ ਦੀ ਪ੍ਰਧਾਨਗੀ ਸਕੂਲ ਦੇ ਡਾਇਰੈਕਟਰ ਸੀਸੀ ਦੇਵਾਸੀ ਨੇ ਕੀਤੀ। ਪ੍ਰਿੰਸੀਪਲ ਸਾਇਨੀ ਦੇਵਾਸੀ ਨੇ ਸਕੂਲ ਦੀ ਸਾਲਾਨਾ ਰਿਪੋਰਟ ਪੇਸ਼ ਕੀਤੀ। ਇਸ ਮੌਕੇ ਸਕੂਲੀ ਵਿਦਿਆਰਥੀਆਂ ਨੇ ਗੀਤ, ਡਾਂਸ, ਕੋਰੀਓਗ੍ਰਾਫ਼ੀ, ਫੈਸ਼ਨ ਸ਼ੋਅ, ਸਕਿੱਟ, ਨਾਟਕ ਆਦਿ ਦੀ ਸ਼ਾਨਦਾਰ ਪੇਸ਼ਕਾਰੀ ਕੀਤੀ। ਡਾਇਰੈਕਟਰ ਸੀਸੀ ਦੇਵਾਸੀ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਕੂਲ ਦੇ ਹੋਣਹਾਰ ਵਿਦਿਆਰਥੀਆਂ ਦਾ ਸਨਮਾਨ ਕੀਤਾ ਗਿਆ। -ਪੱਤਰ ਪ੍ਰੇਰਕ