ਅੰਕੁਸ਼ ਬਣਿਆ ਸਰਕਾਰੀ ਵਕੀਲ

ਧੂਰੀ (ਖੇਤਰੀ ਪ੍ਰਤੀਨਿਧ):

ਧੂਰੀ ਸ਼ਹਿਰ ਦੇ ਜੰਮਪਲ ਨੌਜਵਾਨ ਐਡਵੋਕੇਟ ਅੰਕੁਸ਼ ਗਰਗ ਸਰਕਾਰੀ ਵਕੀਲ ਬਣ ਗਿਆ ਹੈ। ਗੁਰੂ ਤੇਗ ਬਹਾਦਰ ਨਗਰ ਦੇ ਵਾਸੀ ਪ੍ਰਕਾਸ਼ ਚੰਦ ਗਰਗ ਦੇ ਪੁੱਤਰ ਐਡਵੋਕੇਟ ਅਕੁੰਸ਼ ਗਰਗ ਨੇ ਪੀਪੀਐੱਸਸੀ ਦੀ ਪ੍ਰੀਖਿਆ ਵਿੱਚੋਂ ਪੰਜਾਬ ਭਰ ਵਿੱਚੋਂ 10ਵਾਂ ਰੈਂਕ ਪ੍ਰਾਪਤ ਕੀਤਾ। ਉਨ੍ਹਾਂ ਨੂੰ ਡਿਪਟੀ ਡਿਸਟ੍ਰਿਕਟ ਅਟਾਰਨੀ ਸੰਗਰੂਰ ਅਤੇ ਮਾਲੇਰਕੋਟਲਾ ਨਿਯੁਕਤ ਕੀਤਾ ਗਿਆ। ਉਨ੍ਹਾਂ ਸਫ਼ਲਤਾ ਦਾ ਸਿਹਰਾ ਮਾਪਿਆਂ ਨੂੰ ਦਿੰਦਿਆਂ ਦੱਸਿਆ ਕਿ ਜਿੰਦਲ ਪਬਲਿਕ ਸਕੂਲ ਅਤੇ ਕੈਂਬਰਜ਼ ਸਕੂਲ ਧੂਰੀ ਤੋਂ ਮੁਢਲੀ ਸਿੱਖਿਆ ਲੈਣ ਤੋਂ ਬਾਅਦ ਸਰਕਾਰੀ ਕਾਲਜ ਮਾਲੇਰਕੋਟਲਾ ਤੋਂ 12ਵੀਂ ਜਮਾਤ ਪਾਸ ਕਰਕੇ ਕਾਨੂੰਨ ਦੀ ਪੜ੍ਹਾਈ ਭਾਈ ਗੁਰਦਾਸ ਕਾਲਜ ਆਫ਼ ਲਾਅ ਸੰਗਰੂਰ ਤੋਂ ਕੀਤੀ।