ਅਨੰਤਵੀਰ ਨੇ ਨੱਛਤਰ ਸਿੰਘ ਦੇ ਪਰਿਵਾਰ ਨਾਲ ਦੁੱਖ ਵੰਡਾਇਆ

ਬੋਹਾ:

ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਪੁੱਤਰ ਅਨੰਤਵੀਰ ਸਿੰਘ ਬਾਦਲ ਨੇ ਅੱਜ ਬੋਹਾ ਗਾਦੜਪੱਤੀ ਦੇ ਟਕਸਾਲੀ ਅਕਾਲੀ ਪਰਿਵਾਰ ਜਥੇਦਾਰ ਜਵਾਲਾ ਸਿੰਘ ਦੇ ਪੁੱਤਰ ਨਛੱਤਰ ਸਿੰਘ ਦਹੀਆ ਦੀ ਮੌਤ ’ਤੇ ਉਨ੍ਹਾਂ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ। ਮਰਹੂਮ ਨੱਛਤਰ ਸਿੰਘ ਦੇ ਪੁੱਤਰ ਰਣਜੀਤ ਸਿੰਘ ਦਹੀਆ, ਕੁਲਦੀਪ ਸਿੰਘ ਦਹੀਆ, ਭਰਾ ਦਰਸ਼ਨ ਸਿੰਘ, ਹਰਚਰਨ ਨਾਜ਼ਰ ਸਿੰਘ, ਭਤੀਜੇ ਕੁਲਵੰਤ ਸਿੰਘ, ਗੁਰਮੇਲ ਸਿੰਘ ਤੇ ਗੁਰਤੇਜ ਸਿੰਘ ਨਾਲ ਦੁੱਖ ਸਾਂਝਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਨੱਛਤਰ ਸਿੰਘ ਆਪਣੇ ਪਿਤਾ ਜਥੇਦਾਰ ਜਵਾਲਾ ਸਿੰਘ ਵਾਂਗ ਇਮਾਨਦਾਰ ਇਨਸਾਨ ਸਨ। ਉਪਰੰਤ ਉਨ੍ਹਾਂ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਲੋਕ ਸਭਾ ਚੋਣ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਜਿੱਤ ਪ੍ਰਾਪਤ ਕਰੇਗਾ। -ਪੱਤਰ ਪ੍ਰੇਰਕ