ਮੰਦਰਾਂ ਵਿੱਚ 35 ਲੱਖ ਦਾ ਚੜ੍ਹਾਵਾ ਚੜਿਆ

ਪੱਤਰ ਪ੍ਰੇਰਕ
ਪੰਚਕੂਲਾ, 17 ਅਪਰੈਲ
ਚੇਤਰ ਨਵਰਾਤਰੀ ਮੇਲੇ ਦੇ ਆਖਰੀ ਦਿਨ ਮਾਤਾ ਮਨਸਾ ਦੇਵੀ, ਕਾਲੀ ਮਾਤਾ ਮੰਦਰ ਕਾਲਕਾ ਤੇ ਚੰਡੀ ਮਾਤਾ ਮੰਦਰ ਵਿੱਚ ਸ਼ਰਧਾਲੂਆਂ ਨੇ ਕੁੱਲ 35 ਲੱਖ 11 ਹਜ਼ਾਰ 646 ਰੁਪਏ ਦਾ ਦਾਨ ਦਿੱਤਾ। ਮਾਤਾ ਮਨਸਾ ਦੇਵੀ ਮੰਦਰ ਵਿੱਚ 55 ਹਜ਼ਾਰ ਸ਼ਰਧਾਲੂਆਂ ਨੇ ਦਰਸ਼ਨ ਕੀਤੇ। ਮਾਤਾ ਮਨਸਾ ਦੇਵੀ ਮੰਦਰ ਨੂੰ 30 ਲੱਖ 52 ਹਜ਼ਾਰ 733 ਰੁਪਏ, ਕਾਲੀ ਮਾਤਾ ਮੰਦਰ ਕਾਲਕਾ ਨੂੰ 4 ਲੱਖ 45 ਹਜ਼ਾਰ 413 ਰੁਪਏ ਤੇ ਚੰਡੀ ਮਾਤਾ ਮੰਦਰ ਨੂੰ 13,500 ਦਾ ਚੜ੍ਹਾਵਾ ਚੜਿਆ। ਇਸ ਤੋਂ ਇਲਾਵਾ 2 ਤੋਲੇ ਸੋਨਾ ਅਤੇ 126 ਚਾਂਦੀ ਦੇ ਸਿੱਕੇ ਸ੍ਰੀ ਮਾਤਾ ਮਨਸਾ ਦੇਵੀ ਮੰਦਿਰ ਅਤੇ 50 ਚਾਂਦੀ ਦੇ ਸਿੱਕੇ ਸ੍ਰੀ ਕਾਲੀ ਮਾਤਾ ਮੰਦਿਰ ਕਾਲਕਾ ਵਿੱਚ ਚੜ੍ਹਾਏ।