ਗਊ ਤਸਕਰੀ ਦੇ ਸ਼ੱਕ ’ਚ ਬਜ਼ੁਰਗ ਨੂੰ ਮੋਟਰਸਾਈਕਲ ਨਾਲ ਬੰਨ੍ਹ ਕੇ ਘੜੀਸਿਆ
07:26 AM May 20, 2024 IST
Advertisement
ਗੜ੍ਹਵਾ, 19 ਮਈ
ਝਾਰਖੰਡ ਦੇ ਗੜ੍ਹਵਾ ਜ਼ਿਲ੍ਹੇ ਵਿੱਚ ਗਊ ਤਸਕਰੀ ਦੇ ਸ਼ੱਕ ਵਿੱਚ ਤਿੰਨ ਵਿਅਕਤੀਆਂ ਨੇ 60 ਸਾਲਾ ਵਿਅਕਤੀ ਨੂੰ ਮੋਟਰਸਾਈਕਲ ਨਾਲ ਬੰਨ੍ਹ ਕੇ ਘੜੀਸਿਆ। ਝਾਰਖੰਡ ਦੀ ਰਾਜਧਾਨੀ ਰਾਂਚੀ ਤੋਂ ਲਗਪਗ 275 ਕਿਲੋਮੀਟਰ ਦੂਰ ਅਮਰੋਰਾ ਪਿੰਡ ਦੇ ਕੋਲ ਜਦੋਂ ਸੁਰਸਵਤੀ ਰਾਮ ਸ਼ੁੱਕਰਵਾਰ ਦੁਪਹਿਰ ਆਪਣੇ ਪਸ਼ੂਆਂ ਨਾਲ ਬੰਸ਼ੀਧਰ ਨਗਰ ਉਨਟਾਰੀ ਜਾ ਰਿਹਾ ਸੀ ਤਾਂ ਤਿੰਨ ਵਿਅਕਤੀਆਂ ਵੱਲੋਂ ਉਸ ਨੂੰ ਮੋਟਰਸਾਈਕਲ ਨਾਲ ਘੜੀਸਿਆ ਗਿਆ। ਪੁਲੀਸ ਅਧਿਕਾਰੀ ਨੇ ਦੱਸਿਆ, ‘‘ਐਫਆਈਆਰ ਅਨੁਸਾਰ ਰਾਹੁਲ ਦੂਬੇ, ਰਾਜੇਸ਼ ਦੂਬੇ ਅਤੇ ਕਾਸ਼ੀਨਾਥ ਭੂਈਆਂ ਨੇ ਇੱਕ ਬਜ਼ੁਰਗ ਵਿਅਕਤੀ ਨੂੰ ਰੋਕਿਆ ਅਤੇ ਉਸ ’ਤੇ ਗਊ ਤਸਕਰੀ ਵਿੱਚ ਸ਼ਾਮਲ ਹੋਣ ਦਾ ਦੋਸ਼ ਲਾਇਆ।’’ ਉਨ੍ਹਾਂ ਬਜ਼ੁਰਗ ਨੂੰ ਆਪਣੇ ਮੋਟਰਸਾਈਕਲ ਨਾਲ ਬੰਨ੍ਹ ਲਿਆ ਅਤੇ ਕੁੱਝ ਦੂਰੀ ਤੱਕ ਘੜੀਸਦੇ ਲੈ ਗਏ। -ਪੀਟੀਆਈ
Advertisement
Advertisement
Advertisement