ਅੰਮ੍ਰਿਤਸਰ: ਕੌਮਾਂਤਰੀ ਸਰਹੱਦ ਨੇੜਿਓਂ ਪਿਸਤੌਲ ਦਾ ਹਿੱਸਾ ਅਤੇ ਹੈਰੋਇਨ ਦਾ ਪੈਕੇਟ ਮਿਲਿਆ

ਚੰਡੀਗੜ੍ਹ, 24 ਜੂਨ

ਸੀਮਾ ਸੁਰੱਖਿਆ ਬਲ (BSF) ਨੂੰ ਅੰਮ੍ਰਿਤਸਰ ਜ਼ਿਲ੍ਹੇ ਵਿੱਚ ਭਾਰਤ-ਪਾਕਿਸਤਾਨ ਸਰਹੱਦ ਨੇੜੇ ਖੇਤਾਂ ’ਚੋਂ ਪਿਸਤੌਲ ਦਾ ਥੱਲੇ ਵਾਲਾ ਹਿੱਸਾ ਅਤੇ ਮੈਗਜ਼ੀਨ ਮਿਲਿਆ ਹੈ।

ਬੀਐੱਸਐੱਫ ਦੇ ਅਧਿਕਾਰੀ ਨੇ ਜਾਣਕਾਰੀ ਦਿੱਤੀ ਕਿ ਹਥਿਆਰ ਪੀਲੇ ਰੰਗ ਦੀ ਟੇਪ ਵਿੱਚ ਲਪੇਟਿਆ ਹੋਇਆ ਸੀ ਜੋ ਰੋੜਾਂਵਾਲਾ ਖੁਰਦ ਪਿੰਡ ਦੇ ਖੇਤ ਵਿੱਚੋਂ ਮਿਲਿਆ ਹੈ।

ਉਸ ਨੇ ਦੱਸਿਆ ਕਿ ਤਲਾਸ਼ ਮੁਹਿੰਮ ਦੌਰਾਨ ਇਸੇ ਖੇਤ ਵਿੱਚੋਂ ਐਤਵਾਰ ਨੂੰ ਹੈਰੋਇਨ ਦਾ 493 ਗ੍ਰਾਮ ਭਾਰ ਵਾਲਾ ਪੈਕੇਟ ਵੀ ਮਿਲਿਆ ਸੀ। ਇਸ ਪੈਕੇਟ ਨੂੰ ਵੀ ਪੀਲੇ ਰੰਗ ਦੀ ਟੇਪ ਨਾਲ ਲਪੇਟਿਆ ਹੋਇਆ ਸੀ ਜਿਸ ਦੇ ਨਾਲ ਧਾਤ ਦੀ ਰਿੰਗ ਜੁੜੀ ਹੋਈ ਸੀ। -ਪੀਟੀਆਈ