ਮੇਰੇ ‘ਡੌਨ 3’ ਵਿਚਲੇ ਕਿਰਦਾਰ ’ਤੇ ਅਮਿਤਾਭ ਤੇ ਸ਼ਾਹਰੁਖ ਮਾਣ ਮਹਿਸੂਸ ਕਰਨਗੇ: ਰਣਵੀਰ

ਮੁੰਬਈ: ਬੌਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਨੇ ਆਖਿਆ ਕਿ ਉਹ ਬੌਲੀਵੁੱਡ ਦੇ ਸੁਪਰਸਟਾਰ ਅਮਿਤਾਭ ਬੱਚਨ ਅਤੇ ਸ਼ਾਹਰੁਖ ਖਾਨ ਵਾਂਗ ਉਸ ਦੀ ਆਉਣ ਵਾਲੀ ਫਿਲਮ ‘ਡੌਨ 3’ ਵਿੱਚ ਅਹਿਮ ਭੂਮਿਕਾ ਨਿਭਾਏਗਾ ਤੇ ਉਸ ਨੂੰ ਉਮੀਦ ਹੈ ਕਿ ਉਕਤ ਦੋਵੇਂ ਸੁਪਰਸਟਾਰ ਉਸ ਦੀ ਨਵੀਂ ਫਿਲਮ ਵਿਚ ‘ਡੌਨ’ ਦੇ ਨਿਭਾਏ ਕਿਰਦਾਰ ’ਤੇ ਮਾਣ ਮਹਿਸੂਸ ਕਰਨਗੇ। ਰਣਵੀਰ ਨੇ ੋਸਟ ਸ਼ੇਅਰ ਕਰਦਿਆਂ ਆਖਿਆ ਕਿ ਉਹ ‘ਡੌਨ’ ਦੇ ਕਿਰਦਾਰ ਦੀ ਜ਼ਿੰਮੇਵਾਰੀ ਨੂੰ ਸਮਝਦਾ ਹੈ। ਸਭ ਤੋਂ ਪਹਿਲਾਂ ਅਮਿਤਾਭ ਬਚਨ ਨੇ ਸਾਲ 1978 ਵਿੱਚ ਫਿਲਮ ‘ਡੌਨ’ ਵਿਚ ਦਮਦਾਰ ਕਿਰਦਾਰ ਨਿਭਾਇਆ ਸੀ। ਇਸ ਤੋਂ ਬਾਅਦ ਫਰਹਾਨ ਅਖਤਰ ਨੇ ਡੌਨ ਦੇ ਅਗਲੇ ਭਾਗ ਸਾਲ 2006 ਤੇ 2011 ਵਿੱਚ ਬਣਾਏ ਜਿਸ ਵਿਚ ‘ਡੌਨ’ ਦੀ ਭੂਮਿਕਾ ਸ਼ਾਹਰੁਖ ਖਾਨ ਨੇ ਨਿਭਾਈ ਸੀ। ਫਰਹਾਨ ਅਤੇ ਰਿਤੇਸ਼ ਸਿਧਵਾਨੀ ਦੇ ਬੈਨਰ ਐਕਸਲ ਐਂਟਰਟੇਨਮੈਂਟ ਨੇ ਬੱਚਨ ਦੀ ਫਿਲਮ ਦੇ ਅਧਿਕਾਰ ਖਰੀਦੇ ਹਨ। ਫਰਹਾਨ ਹੁਣ ਰਣਵੀਰ ਨਾਲ ਇਸ ਫਰੈਂਚਾਇਜ਼ੀ ਨੂੰ ਅੱਗੇ ਲੈ ਕੇ ਜਾ ਰਿਹਾ ਹੈ ਤੇ ਉਹ ‘ਡੌਨ’ ਦਾ ਤੀਜਾ ਭਾਗ ਬਣਾ ਰਿਹਾ ਹੈ। -ਪੀਟੀਆਈ