ਅਮਰੀਕੀ ਜੈੱਟਾਂ ਨੇ ਇਰਾਕ ’ਚ ਹਿਜ਼ਬੁੱਲਾ ਦੇ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ

ਵਾਸ਼ਿੰਗਟਨ: ਅਮਰੀਕੀ ਅੱਡਿਆਂ ’ਤੇ ਹਮਲਿਆਂ ਦੇ ਜਵਾਬ ’ਚ ਅਮਰੀਕਾ ਦੇ ਜੈੱਟਾਂ ਨੇ ਇਰਾਕ ’ਚ ਹਿਜ਼ਬੁੱਲਾ ਦੇ ਦੋ ਸੈਂਟਰਾਂ ’ਤੇ ਹਮਲੇ ਕੀਤੇ। ਦੋ ਰੱਖਿਆ ਅਧਿਕਾਰੀਆਂ ਨੇ ਕਿਹਾ ਕਿ ਅਮਰੀਕੀ ਅੱਡਿਆਂ ’ਤੇ ਮੰਗਲਵਾਰ ਨੂੰ ਘੱਟ ਦੂਰੀ ਦੀਆਂ ਬੈਲਿਸਟਿਕ ਮਿਜ਼ਾਈਲਾਂ ਰਾਹੀਂ ਹਮਲਾ ਕੀਤਾ ਗਿਆ। ਅਧਿਕਾਰੀਆਂ ਨੇ ਕਿਹਾ ਕਿ ਅਮਰੀਕੀ ਜੈੱਟਾਂ ਨੇ ਬਗ਼ਦਾਦ ਦੇ ਦੱਖਣ ’ਚ ਅਲ ਅਨਬਾਰ ਅਤੇ ਜਰਫ ਅਲ ਸਕਰ ਨੇੜੇ ਹਿਜ਼ਬੁੱਲਾ ਦੇ ਕਤੈਬ ਅਪਰੇਸ਼ਨਜ਼ ਸੈਂਟਰ ਅਤੇ ਕਮਾਂਡ ਕੰਟਰੋਲ ਸੈਂਟਰ ਨੂੰ ਨਿਸ਼ਾਨਾ ਬਣਾਇਆ। ਅਧਿਕਾਰੀਆਂ ਨੇ ਕਿਸੇ ਜਾਨੀ ਨੁਕਸਾਨ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ। ਉਂਜ ਦੋਵੇਂ ਥਾਵਾਂ ’ਤੇ ਹਿਜ਼ਬੁੱਲਾ ਦੇ ਅਤਿਵਾਦੀ ਮੌਜੂਦ ਸਨ। -ਏਪੀ