ਅਮਰੀਕਾ: ਸੜਕ ਹਾਦਸੇ ਵਿੱਚ ਮੁਰਾਦਪੁਰ ਅਵਾਣਾ ਦੇ ਨੌਜਵਾਨ ਦੀ ਮੌਤ

ਪੱਤਰ ਪ੍ਰੇਰਕ

ਮੁਕੇਰੀਆਂ, 27 ਜੂਨ

ਅਮਰੀਕਾ ਦੇ ਸ਼ਹਿਰ ਨਾਵੇਦਾ ਵਿੱਚ ਸੜਕ ਹਾਦਸੇ ਦਾ ਸ਼ਿਕਾਰ ਹੋਏ ਨੇੜਲੇ ਪਿੰਡ ਮੁਰਾਦਪੁਰ ਅਵਾਣਾ ਦੇ ਨੌਜਵਾਨ ਮਨਦੀਪ ਸਿੰਘ ਦੀ ਬੀਤੀ ਰਾਤ ਮੌਤ ਹੋ ਗਈ ਜੋ ਅਮਰੀਕਾ ਵਿਚ ਪੱਕੇ ਹੋਣ ਦੀ ਫਾਈਲ ਲਗਾਉਣ ਦੀ ਤਿਆਰੀ ਕਰ ਰਿਹਾ ਸੀ। ਮ੍ਰਿਤਕ ਦੇ ਪਿਤਾ ਜਰਨੈਲ ਸਿੰਘ ਨੇ ਦੱਸਿਆ ਕਿ ਉਸ ਦਾ ਲੜਕਾ ਮਨਦੀਪ ਸਿੰਘ ਫਰਵਰੀ 2019 ਵਿੱਚ ਅਮਰੀਕਾ ਗਿਆ ਸੀ, ਜਿਥੇ ਉਹ ਟਰਾਲਾ ਚਲਾਉਂਦਾ ਸੀ। ਉਹ 20 ਜੂਨ ਨੂੰ ਟਰਾਲਾ ਲੈ ਕੇ ਅਮਰੀਕਾ ਤੋਂ ਕੈਨੇਡਾ ਜਾ ਰਿਹਾ ਸੀ ਜਿਸ ਦੇ ਟਰਾਲੇ ਨੂੰ ਨਾਵੇਦਾ ਵਿਚ ਪਲਟਣ ਕਾਰਨ ਅੱਗ ਲੱਗ ਗਈ ਤੇ ਉਹ ਝੁਲਸ ਗਿਆ। ਉਹ ਹਸਪਤਾਲ ਵਿਚ ਹਫਤਾ ਭਰ ਜ਼ੇਰੇ ਇਲਾਜ ਰਿਹਾ ਜਿਸ ਦੀ ਬੀਤੀ ਰਾਤ ਮੌਤ ਹੋ ਗਈ।