ਗੋਬਿੰਦ ਮੋਟਰਜ਼ ਵੱਲੋਂ ਭਦੌੜ ਵਾਸੀਆਂ ਲਈ ਐਂਬੂਲੈਂਸ ਭੇਟ

ਭਦੌੜ: ਗੋਬਿੰਦ ਮੋਟਰਜ਼ ਦੇ ਐੱਮਡੀ ਗੁਰਨੈਬ ਸਿੰਘ ਗਿੱਲ ਵੱਲੋਂ ਦੀਵਾਲੀ ਮੌਕੇ ਇਲਾਕਾ ਵਾਸੀਆਂ ਨੂੰ ਆਧੁਨਿਕ ਸਹੂਲਤਾਂ ਨਾਲ ਲੈੱਸ ਐਂਬੂਲੈਂਸ ਭੇਟ ਕੀਤੀ ਗਈ। ਐਂਬੂਲੈਂਸ ਨੂੰ ਥਾਣਾ ਮੁਖੀ ਯਾਦਵਿੰਦਰ ਸਿੰਘ ਅਤੇ ਥਾਣਾ ਸਦਰ ਬਰਨਾਲਾ ਦੇ ਇੰਸਪੈਕਟਰ ਸ਼ੇਰਵਿੰਦਰ ਸਿੰਘ ਔਲਖ ਨੇ ਰਵਾਨਾ ਕੀਤਾ। ਸ੍ਰੀ ਗਿੱਲ ਨੇ ਕਿਹਾ ਕਿ ਪਿਛਲੇ ਦਿਨੀਂ ਉਨ੍ਹਾਂ ਸਾਹਮਣੇ ਦੋ-ਤਿੰਨ ਐਕਸੀਡੈਂਟ ਹੋਏ ਪਰ ਜ਼ਖ਼ਮੀ ਨੂੰ ਹਸਪਤਾਲ ਲਿਜਾਣ ਲਈ ਕੋਈ ਵੀ ਦਿਲਚਸਪੀ ਨਹੀਂ ਦਿਖਾ ਰਿਹਾ ਸੀ ਜਿਸ ਕਰ ਕੇ ਉਨ੍ਹਾਂ ਇਹ ਐਂਬੂਲੈਂਸ ਭੇਟ ਕੀਤੀ ਹੈ। ਉਨ੍ਹਾਂ ਐਂਬੈਲੈਂਸ ਦਾ ਇੱਕ ਹੈਲਪ ਲਾਈਨ ਨੰਬਰ 98764-17575 ਵੀ ਜਾਰੀ ਕੀਤਾ। ਇਹ ਸੇਵਾ ਮੁਫ਼ਤ ਹੋਵੇਗੀ। ਇਸ ਮੌਕੇ ਨਵਨੀਤ ਕੌਰ ਗਿੱਲ, ਅਮਨਿੰਦਰ ਸਿੰਘ ਗੋਲਡੀ, ਵਿਨੋਦ ਕੁਮਾਰ, ਜਗਸੀਰ ਸਿੰਘ, ਐੱਮਐੱਸ ਲਾਂਬਾ ਆਦਿ ਹਾਜ਼ਰ ਸਨ। -ਪੱਤਰ ਪ੍ਰੇਰਕ