ਸ਼ਰਾਬ ਦੇ ਠੇਕਿਆਂ ਦੀ ਅਲਾਟਮੈਂਟ ਅੱਜ

ਨਿੱਜੀ ਪੱਤਰ ਪ੍ਰੇਰਕ
ਬਠਿੰਡਾ, 27 ਮਾਰਚ
ਦੇਸੀ ਅਤੇ ਅੰਗਰੇਜ਼ੀ ਸ਼ਰਾਬ ਦੇ ਠੇਕੇ ਡਰਾਅ ਸਿਸਟਮ ਰਾਹੀਂ 28 ਮਾਰਚ ਨੂੰ ਕੱਢੇ ਜਾਣਗੇ। ਜਾਣਕਾਰੀ ਅਨੁਸਾਰ 1 ਅਪਰੈਲ 2024 ਤੋਂ 31 ਮਾਰਚ 2025 ਲਈ ਜ਼ਿਲ੍ਹਾ ਬਠਿੰਡਾ ਅਤੇ ਮਾਨਸਾ ਨਾਲ ਸਬੰਧਤ ਠੇਕਿਆਂ ਦੇ ਡਰਾਅ 28 ਮਾਰਚ ਨੂੰ ਪਾਰਕ ਵਿਊ ਪੈਲੇਸ, ਬਰਨਾਲਾ ਬਾਈਪਾਸ, ਬਠਿੰਡਾ ਵਿੱਚ ਸਵੇਰੇ 9 ਵਜੇ ਕੱਢੇ ਜਾਣਗੇ।ਇਸੇ ਤਰ੍ਹਾਂ ਜ਼ਿਲ੍ਹਾ ਫ਼ਰੀਦਕੋਟ ਦੇ ਦੇਸੀ ਅਤੇ ਅੰਗਰੇਜ਼ੀ ਸ਼ਰਾਬ ਦੇ ਠੇਕਿਆਂ ਦੀ ਅਲਾਟਮੈਂਟ 28 ਮਾਰਚ 9 ਵਜੇ ਦੀ ਥਾਂ ਹੁਣ ਦੁਪਹਿਰ 12 ਵਜੇ ਗਰੈਂਡ ਵਿਲ੍ਹਾ ਰਿਜ਼ੋਰਟ (ਪੁਰਾਣਾ ਧਿੰਗੜਾ ਮੈਰਿਜ ਪੈਲੇਸ) ਫ਼ਰੀਦਕੋਟ ਵਿਖੇ ਡਰਾਅ ਕੱਢੇ ਜਾਣਗੇ। ਗੌਰਤਲਬ ਹੈ ਕਿ ਪਹਿਲਾਂ ਇਹ ਡਰਾਅ 22 ਮਾਰਚ ਨੂੰ ਕੱਢੇ ਜਾਣੇ ਸਨ ਪਰ ਚੋਣ ਕਮਿਸ਼ਨ ਲੋੜੀਂਦੀ ਪ੍ਰਵਾਨਗੀ ਹਾਸਿਲ ਨਾ ਹੋਣ ਕਰਕੇ ਮੁਲਤਵੀ ਕਰ ਦਿੱਤੇ ਗਏ ਸਨ।