ਰਿਹਾਇਸ਼ੀ ਪਲਾਟ ਉੱਤੇ ਨਾਜਾਇਜ਼ ਕਬਜ਼ੇ ਦਾ ਦੋਸ਼

ਜਸਵੀਰ ਸਿੰਘ ਭੁੱਲਰ

ਦੋਦਾ, 23 ਅਗਸਤ

ਇਥੇ ਸਥਾਨਕ ਪਿੰਡ ਦੇ ਰਾਮ ਚੰਦ (90 ਸਾਲ) ਜੋ ਗਰੀਬ ਪਰਿਵਾਰ ਨਾਲ ਸਬੰਧ ਰੱਖਦਾ ਹੈ, ਨੇ ਦੋਸ਼ ਲਾਇਆ ਹੈ ਕਿ ਉਸਦੇ ਪਿੰਡ ਦੇ ਮਨਦੀਪ ਸਿੰਘ, ਮੇਜਰ ਸਿੰਘ, ਬਲਵੀਰ ਸਿੰਘ ਆਦਿ ਨੇ ਦੋਦਾ ਵਿੱਚ ਮੁਕਤਸਰ-ਬਠਿੰਡਾ ਮੁਖ ਸੜਕ ਦੇ ਕਿਨਾਰੇ ਉਸਦੇ ਪੰਜ ਮਰਲਿਆਂ ਦੇ ਪਲਾਟ ਉੱਤੇ ਨਾਜਾਇਜ਼ ਕਬਜ਼ਾ ਕਰ ਲਿਆ ਹੈ। ਉਨ੍ਹਾਂ ਪਲਾਟ ਦੀ ਖ਼ਰੀਦ ਰਜਿਸਟਰੀ ਜੋ 1966 ਵਿੱਚ ਹੋਈ ਹੈ, ਦਿਖਾਉਂਦਿਆਂ ਕਿਹਾ ਹੈ ਕਿ ਇਹ ਉਨ੍ਹਾਂ ਦੀ ਰਹਾਇਸ਼ੀ ਥਾਂ ਸੀ ਪਰ ਹੁਣ ਥਾਂ ਤੰਗ ਹੋਣ ਕਾਰਨ ਉਹ ਕਾਉਣੀ ਵਾਲੀ ਸੜਕ ਵਾਲੇ ਪਾਸੇ ਰਹਿੰਦੇ ਹਨ ਅਤੇ ਇਹ ਪਲਾਟ ਲੰਮੇ ਸਮੇਂ ਤੋਂ ਖਾਲੀ ਪਿਆ ਸੀ, ਉਨ੍ਹਾਂ ਪੁਲੀਸ ਉੱਤੇ ਵੀ ਪੱਖਪਾਤ ਦਾ ਦੋਸ਼ ਲਾਇਆ ਹੈ ਅਤੇ ਉਨ੍ਹਾਂ ਲਿਖ਼ਤੀ ਰੂਪ ਵਿੱਚ ਐੱਸਐੱਸਪੀ ਮੁਕਤਸਰ ਕੋਲ ਸ਼ਕਾਇਤ ਵੀ ਦਰਜ ਕਰਵਾਈ ਹੈ। ਜਦ ਕਿ ਦੂਜੀ ਧਿਰ ਨੇ ਉਕਤ ਦੋਸ਼ਾਂ ਨੂੰ ਸਿਰੇ ਤੋਂ ਖਾਰਜ ਕਰਦਿਆਂ ਕਿਹਾ ਹੈ ਕਿ ਰਿਕਾਰਡ ਅਨੁਸਾਰ ਇਹ ਪਲਾਟ ਉਨ੍ਹਾਂ ਦਾ ਹੈ।