ਅਲਬਾਨੀਆ ਦੇ ਨੇਦਿਮ ਬਜਰਾਮੀ ਵੱਲੋਂ ਸਭ ਤੋਂ ਤੇਜ਼ ਗੋਲ ਕਰਨ ਦਾ ਰਿਕਾਰਡ ਕਾਇਮ

ਡੌਰਟਮੰਡ (ਜਰਮਨੀ), 16 ਜੂਨ
ਅਲਬਾਨੀਆ ਦੇ ਨੇਦਿਮ ਬਜਰਾਮੀ ਨੇ ਖੇਡ ਸ਼ੁਰੂ ਹੋਣ ਦੇ ਬਾਅਦ 23ਵੇਂ ਸਕਿੰਟ ’ਚ ਗੋਲ ਕਰਕੇ ਯੂਰੋਪੀਅਨ ਫੁੱਟਬਾਲ ਚੈਂਪੀਅਨਸ਼ਿਪ ’ਚ ਸਭ ਤੋਂ ਤੇਜ਼ ਗੋਲ ਕਰਨ ਦਾ ਰਿਕਾਰਡ ਬਣਾਇਆ ਹੈ। ਹਾਲਾਂਕਿ ਅਲਬਾਨੀਆ ਦੀ ਟੀਮ ਇਟਲੀ ਖ਼ਿਲਾਫ਼ ਇਸ ਮੈਚ 1-2 ਗੋਲਾਂ ਦੇ ਫਰਕ ਨਾਲ ਹਾਰ ਗਈ। ਯੂਰੋਪੀਅਨ ਫੁੱਟਬਾਲ ਚੈਂਪੀਅਨਸ਼ਿਪ ’ਚ ਇਸ ਤੋਂ ਪਹਿਲਾਂ ਸਭ ਤੋਂ ਤੇਜ਼ ਗੋਲ ਕਰਨ ਦਾ ਰਿਕਾਰਡ ਰੂਸ ਦੇ ਦਮਿਤਰੀ ਕਿਰੀਚੇਂਕੋ ਦੇ ਨਾਮ ਸੀ, ਜਿਸ ਨੇ 2004 ’ਚ ਮੈਚ ਦੌਰਾਨ 67ਵੇਂ ਸਕਿੰਟ ’ਚ ਗੋਲ ਕੀਤਾ ਸੀ। -ਏਜੰਸੀ