ਅਕਸ਼ੈ ਕੁਮਾਰ ਵੱਲੋਂ ‘ਮਿਸ਼ਨ ਰਾਣੀਗੰਜ’ ਦਾ ਗੀਤ ‘ਜੀਤੇਂਗੇ’ ਜਾਰੀ

ਮੁੰਬਈ: ਅਦਾਕਾਰ ਅਕਸ਼ੈ ਕੁਮਾਰ ਨੇ ਆਪਣੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫ਼ਿਲਮ ‘ਮਿਸ਼ਨ ਰਾਣੀਗੰਜ: ਦਿ ਗ੍ਰੇਟ ਭਾਰਤ ਰੈਸਕਿਊ’ ਦਾ ਗੀਤ ‘ਜੀਤੇਂਗੇ’ ਅੱਜ ਜਾਰੀ ਕੀਤਾ ਹੈ। ਅਕਸ਼ੈ ਕੁਮਾਰ ਨੇ ਗੀਤ ਦੀ ਵੀਡੀਓ ਇੰਸਟਾਗ੍ਰਾਮ ’ਤੇ ਸਾਂਝੀ ਕਰਦਿਆਂ ਕੈਪਸ਼ਨ ਵਿੱਚ ਲਿਖਿਆ, ‘‘ਜੀਤੇਂਗੇ ਵੀਡੀਓ ਆ ਗਈ ਹੈ। ਟਿਕਟਾਂ ਹੁਣੇ ਬੁੱਕ ਕਰੋ। ਹੁਣ ਸਨਿੇਮਾ-ਘਰਾਂ ਵਿੱਚ ‘ਮਿਸ਼ਨ ਰਾਣੀਗੰਜ’ ਨਾਲ ਭਾਰਤ ਦੇ ਸੱਚੇ ਸਪੂਤਾਂ ਦੀ ਕਹਾਣੀ ਦੇਖੋ।’’ ਇਸ ਭਾਵੁਕ ਗੀਤ ਨੂੰ ਡਾ. ਕੁਮਾਰ ਵਿਸ਼ਵਾਸ ਨੇ ਲਿਖਿਆ ਹੈ, ਆਰਕੋ ਨੇ ਤਿਆਰ ਕੀਤਾ ਹੈ ਅਤੇ ਬੀ ਪਰਾਕ ਨੇ ਆਵਾਜ਼ ਦਿੱਤੀ ਹੈ। ਜਵਿੇਂ ਹੀ ਅਕਸ਼ੈ ਨੇ ਇਸ ਗੀਤ ਦਾ ਪੋਸਟਰ ਸੋਸ਼ਲ ਮੀਡੀਆ ’ਤੇ ਸਾਂਝਾ ਕੀਤਾ ਤਾਂ ਟਿੱਪਣੀ ਸੈਕਸ਼ਨ ਵਿੱਚ ਪ੍ਰਸ਼ੰਸਕਾਂ ਵੱਲੋਂ ਬਣਾਏ ‘ਦਿਲ’ ਤੇ ‘ਅੱਗ’ ਦੇ ਇਮੋਜ਼ੀ ਦਾ ਹੜ੍ਹ ਆ ਗਿਆ। ‘ਮਿਸ਼ਨ ਰਾਣੀਗੰਜ’ ਦਾ ਨਿਰਦੇਸ਼ਨ ਟੀਨੂ ਸੁਰੇਸ਼ ਦੇਸਾਈ ਨੇ ਕੀਤਾ ਹੈ, ਜਦੋਂਕਿ ਇਸ ਦੇ ਪ੍ਰੋਡਿਊਸਰ ਵਾਸ਼ੂ ਭਗਨਾਨੀ, ਜੈਕੀ ਭਗਨਾਨੀ, ਦੀਪਸ਼ਿਖਾ ਦੇਸ਼ਮੁਖ ਅਤੇ ਅਜੈ ਕਪੂਰ ਹਨ। ਹਾਲ ਹੀ ਵਿੱਚ ਅਕਸ਼ੈ ਕੁਮਾਰ ਨੇ ਇੱਕ ਪ੍ਰੈੱਸ ਕਾਨਫਰੰਸ ਦੌਰਾਨ ਕਿਹਾ ਸੀ ਕਿ ‘ਮਿਸ਼ਨ ਰਾਣੀਗੰਜ’ ਉਸ ਦੀ ਬਿਹਤਰੀਨ ਫ਼ਿਲਮ ਹੈ। -ਏਐੱਨਆਈ