ਅਖਿਲੇਸ਼ ਨੇ ਪ੍ਰੈੱਸ ਦੀ ਆਜ਼ਾਦੀ ਦੇ ਮੁੱਦੇ ’ਤੇ ਭਾਜਪਾ ਨੂੰ ਘੇਰਿਆ

ਲਖਨਊ: ਭਾਜਪਾ ਦੀ ਅਗਵਾਈ ਹੇਠਲੀ ਕੇਂਦਰ ਸਰਕਾਰ ’ਤੇ ਹਮਲਾ ਕਰਦਿਆਂ ਸਮਾਜਵਾਦੀ ਪਾਰਟੀ ਮੁਖੀ ਅਖਿਲੇਸ਼ ਯਾਦਵ ਨੇ ਹੈਰਾਨੀ ਜਤਾਈ ਕਿ ਦੇਸ਼ ਦੀਆਂ ਸਰਹੱਦਾਂ ਕਿਉਂ ਸੁੰਗੜ ਰਹੀਆਂ ਹਨ ਅਤੇ ਪ੍ਰੈੱਸ ਕਿੰਨਾ ਕੁ ਆਜ਼ਾਦ ਹੈ। ਅਖਿਲੇਸ਼ ਨੇ ਐਸ਼ਬਾਗ ਈਦਗਾਹ ’ਚ ਈਦ ਮੌਕੇ ਹਾਜ਼ਰੀ ਭਰੀ ਅਤੇ ਲੋਕਾਂ ਨੂੰ ਮੁਬਾਰਕਾਂ ਦਿੱਤੀਆਂ। ਕਿਸੇ ਦਾ ਨਾਮ ਲਏ ਬਿਨਾਂ ਉਨ੍ਹਾਂ ਕਿਹਾ,‘‘ਲੋਕ ਇਸ ਗੱਲ ਦਾ ਨੋਟਿਸ ਲੈ ਰਹੇ ਹਨ ਕਿ ਕਿਸੇ ਸਮੇਂ ਦੇਸ਼ ਵਿਕਸਤ ਹੋ ਰਿਹਾ ਸੀ ਪਰ ਹੁਣ ਇਥੇ ਅਮਨ-ਕਾਨੂੰਨ ਦੀ ਹਾਲਤ ਕੀ ਹੋ ਗਈ ਹੈ। ਸਾਡੀ ਬੇਰੁਜ਼ਗਾਰੀ ਦਾ ਕੀ ਪੱਧਰ ਹੈ ਅਤੇ ਸਾਡੀ ਪ੍ਰੈੱਸ ਕਿੰਨੀ ਕੁ ਆਜ਼ਾਦ ਹੈ।’’ -ਪੀਟੀਆਈ