For the best experience, open
https://m.punjabitribuneonline.com
on your mobile browser.

ਮੁੱਖ ਖ਼ਬਰਾਂ ਦੇਸ਼ਵਿਦੇਸ਼ ਖੇਡਾਂ ਕਾਰੋਬਾਰ ਚੰਡੀਗੜ੍ਹ ਦਿੱਲੀ ਪਟਿਆਲਾ ਸਾਹਿਤ ਫ਼ੀਚਰ ਸਤਰੰਗ ਖੇਤੀਬਾੜੀ ਹਰਿਆਣਾ ਪੰਜਾਬ ਮਾਲਵਾ ਮਾਝਾ ਦੋਆਬਾ ਅੰਮ੍ਰਿਤਸਰ ਜਲੰਧਰ ਲੁਧਿਆਣਾ ਸੰਗਰੂਰ ਬਠਿੰਡਾ ਪ੍ਰਵਾਸੀ ਭਾਈਚਾਰਾ ਕਲਾਸੀਫਾਈਡ ▾

ਕਲਾਸੀਫਾਈਡ > ਹੋਰ ਕਲਾਸੀਫਾਈਡ ਵਰ ਦੀ ਲੋੜ ਕੰਨਿਆ ਦੀ ਲੋੜ

/ ਦੇਸ਼

ਸਾਢੇ ਸੱਤ ਸਾਲਾਂ ਮਗਰੋਂ ਹਵਾਈ ਸੈਨਾ ਦੇ ਏਐੱਨ-32 ਜਹਾਜ਼ ਦਾ ਮਲਬਾ ਲੱਭਿਆ

11:33 PM Jan 12, 2024 IST

ਨਵੀਂ ਦਿੱਲੀ: ਸਾਢੇ ਸੱਤ ਸਾਲ ਪਹਿਲਾਂ ਲਾਪਤਾ ਹੋਏ ਭਾਰਤੀ ਹਵਾਈ ਸੈਨਾ ਦੇ ਟਰਾਂਸਪੋਰਟ ਜਹਾਜ਼ ਏਐੱਨ-32 ਦਾ ਮਲਬਾ ਬੰਗਾਲ ਦੀ ਖਾੜੀ ਵਿਚ ਕਰੀਬ 3.4 ਕਿਲੋਮੀਟਰ ਦੀ ਡੂੰਘਾਈ ’ਤੇ ਲੱਭਿਆ ਹੈ। ਇਸ ਜਹਾਜ਼ ਵਿਚ 29 ਕਰਮੀ ਸਵਾਰ ਸਨ। ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਸਮੁੰਦਰੀ ਤਕਨੀਕ ਬਾਰੇ ਕੌਮੀ ਸੰਸਥਾ ਵੱਲੋਂ ਤਾਇਨਾਤ ਕੀਤੇ ਗਏ ਅੰਡਰਵਾਟਰ ਵਹੀਕਲ ਵੱਲੋਂ ਖਿੱਚੀਆਂ ਤਸਵੀਰਾਂ ਦੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਚੇਨਈ ਤੱਟ ਤੋਂ 310 ਕਿਲੋਮੀਟਰ ਦੂਰ ਮਿਲਿਆ ਮਲਬਾ ਏਐੱਨ-32 ਜਹਾਜ਼ ਦਾ ਹੈ। ਉਨ੍ਹਾਂ ਕਿਹਾ ਕਿ ਰਿਕਾਰਡ ਮੁਤਾਬਕ ਸੰਭਾਵੀ ਹਾਦਸੇ ਵਾਲੀ ਥਾਂ ਨੇੜੇ ਹੋਰ ਕੋਈ ਵੀ ਜਹਾਜ਼ ਹਾਦਸਾਗ੍ਰਸਤ ਨਹੀਂ ਹੋਇਆ। ਇਸ ਲਈ ਮਲਬੇ ਦੇ ਏਐੱਨ-32 ਦੇ ਹੋਣ ਦੀ ਪੂਰੀ ਸੰਭਾਵਨਾ ਹੈ। ਜ਼ਿਕਰਯੋਗ ਹੈ ਕਿ ਇਹ ਜਹਾਜ਼ 22 ਜੁਲਾਈ 2016 ਨੂੰ ਬੰਗਾਲ ਦੀ ਖਾੜੀ ’ਤੇ ਲਾਪਤਾ ਹੋ ਗਿਆ ਸੀ। ਵੱਡੇ ਪੱਧਰ ਉਤੇ ਚੱਲੇ ਖੋਜ ਤੇ ਬਚਾਅ ਅਪਰੇਸ਼ਨ ਦੇ ਬਾਵਜੂਦ ਇਸ ਵਿਚ ਸਵਾਰ ਕੋਈ ਵੀ ਮੁਲਾਜ਼ਮ ਨਹੀਂ ਲੱਭਿਆ, ਤੇ ਨਾ ਹੀ ਮਲਬਾ ਲੱਭਿਆ। ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਇਹ ਮਲਬਾ ਕਈ ਉਪਕਰਨਾਂ ਦੀ ਮਦਦ ਨਾਲ ਲੱਭਿਆ ਗਿਆ ਹੈ ਜਿਸ ਵਿਚ ਮਲਟੀ-ਬੀਮਰ ਤੇ ਸਿੰਥੈਟਿਕ ਅਪੱਰਚਰ ਸੋਨਾਰ ਸ਼ਾਮਲ ਹਨ। -ਪੀਟੀਆਈ

Tags :

indian air force

preet

View all posts

preet639@gmail.com