ਪੱਥਰ ਮਾਰ ਕੇ ਰੇਲਗੱਡੀ ਦਾ ਸ਼ੀਸ਼ਾ ਤੋੜਨ ਮਗਰੋਂ ਪੁਲੀਸ ਸਖ਼ਤ
08:42 AM Jul 17, 2024 IST
Advertisement
ਹਰਜੀਤ ਸਿੰਘ
ਡੇਰਾਬੱਸੀ, 16 ਜੁਲਾਈ
ਸ਼ਹਿਰ ਵਿੱਚੋਂ ਲੰਘਦੀ ਅੰਬਾਲਾ-ਕਾਲਕਾ ਰੇਲਵੇ ਲਾਈਨ ਨੇੜੇ ਰਹਿਣ ਵਾਲੇ ਲੋਕਾਂ ਦੇ ਰੇਲਵੇ ਪੁਲੀਸ ਵੱਲੋਂ ਰੇਲ ਪਟੜੀ ਪਾਰ ਕਰਨ ’ਤੇ ਚਾਲਾਨ ਕੱਟੇ ਜਾ ਰਹੇ ਹਨ। ਲੰਘੇ ਦਿਨੀਂ ਸ਼ਰਾਰਤੀ ਅਨਸਰ ਵੱਲੋਂ ਪੱਥਰ ਮਾਰ ਕੇ ਰੇਲ ਗੱਡੀ ਦਾ ਸ਼ੀਸ਼ਾ ਤੋੜ ਦਿੱਤਾ ਗਿਆ ਸੀ। ਗੌਰਵ ਬਾਂਸਲ ਨਾਂ ਦੇ ਯਾਤਰੀ ਵੱਲੋਂ ਵਿਭਾਗ ਨੂੰ ਐਕਸ (ਟਵਿੱਟਰ) ਰਾਹੀਂ ਸ਼ਿਕਾਇਤ ਕੀਤੀ ਗਈ ਸੀ। ਇਸ ’ਤੇ ਕਾਰਵਾਈ ਕਰਦਿਆਂ ਰੇਲਵੇ ਪੁਲੀਸ ਸਖ਼ਤ ਹੋ ਗਈ ਹੈ।
ਪ੍ਰਾਪਤ ਅਨੁਸਾਰ ਅੰਬਾਲਾ ਕਾਲਕਾ ਰੇਲਵੇ ਲਾਈਨ ਦੇ ਦੋਵੇਂ ਪਾਸੇ ਭਾਰੀ ਵਸੋਂ ਹੈ। ਰੋਜ਼ਾਨਾ ਲੋਕ ਆਪਣੇ ਕੰਮਾਂ ਕਾਰਾਂ ’ਤੇ ਜਾਣ ਲਈ ਦਿਨ ਵਿੱਚ ਕਈ ਵਾਰ ਰੇਲਵੇ ਲਾਈਨ ਪਾਰ ਕਰਦੇ ਹਨ। ਵਿਭਾਗ ਨੇ ਹੁਣ ਤੱਕ ਕਈਆਂ ਦੇ ਚਾਲਾਨ ਕਰ ਦਿੱਤੇ ਹਨ ਤੇ ਤਿੰਨ ਦੇ ਮੋਬਾਈਲ ਜ਼ਬਤ ਕੀਤੇ ਹਨ।
ਏਐੱਸਆਈ ਸਤਿਅਮ ਕੁਮਾਰ ਨੇ ਦੱਸਿਆ ਕਿ ਥਾਂ-ਥਾਂ ਅੰਡਰਪਾਸ ਅਤੇ ਫਾਟਕ ਲਾਉਣ ਦੇ ਬਾਵਜੂਦ ਲੋਕ ਰੇਲ ਲਾਈਨਾਂ ਪਾਰ ਕਰ ਰਹੇ ਹਨ। ਦੂਜੇ ਪਾਸੇ ਲੋਕਾਂ ਨੇ ਕਿਹਾ ਕਿ ਅੰਡਰਪਾਸ ਅਤੇ ਫਾਟਕ ਕਾਫ਼ੀ ਦੂਰ ਹਨ।
Advertisement
Advertisement
Advertisement