ਫੜੇ ਜਾਣ ’ਤੇ ਨਸ਼ਾ ਤਸਕਰ ਨੇ ਚਿੱਟੇ ਦਾ ਪੈਕੇਟ ਨਿਗਲਿਆ

ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਦੀ ਰਾਜਧਾਨੀ ਸ਼ਿਮਲਾ ’ਚ ਪੰਜ ਨਸ਼ਾ ਤਸਕਰਾਂ ਨੂੰ ਫੜੇ ਜਾਣ ਮਗਰੋਂ ਉਨ੍ਹਾਂ ਵਿੱਚੋਂ ਇੱਕ ਔਰਤ ਨੇ 7.60 ਗ੍ਰਾਮ ‘ਚਿੱਟੇੇ’ ਦੇ ਪੈਕੇਟ ਨਿਗਲ ਲਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਪੁਲੀਸ ਨੇ ਸ਼ਿਮਲਾ ਨੇੜੇ ਸੰਜੌਲੀ ਤੋਂ ਆਉਂਦੇ ਇੱਕ ਵਾਹਨ ਨੂੰ ਰੋਕਿਆ। ਪੁਲੀਸ ਨੂੰ ਦੇਖਦਿਆਂ ਸ਼ਾਹੀਨ ਸੁਲਤਾਨ (26) ਨੇ ਜੇਬ੍ਹ ਵਿੱਚੋਂ ‘ਚਿੱਟੇ’ ਵਾਲਾ ਛੋਟਾ ਪੈਕੇਟ ਕੱਢ ਕੇ ਪਾਣੀ ਨਾਲ ਨਿਗਲ ਲਿਆ। ਪੁਲੀਸ ਮੁਤਾਬਕ ਇੰਦਰਾ ਗਾਂਧੀ ਮੈਡੀਕਲ ਕਾਲਜ ਹਸਪਤਾਲ ਦੇ ਡਾਕਟਰਾਂ ਨੇ ‘ਐਂਡੋਸਕੋਪੀ’ ਰਾਹੀਂ ਪੈਕੇਟ ਕੱਢਿਆ ਅਤੇ 7.30 ਗ੍ਰਾਮ ਚਿੱਟਾ ਬਰਾਮਦ ਕੀਤਾ ਗਿਆ। ਪੁਲੀਸ ਨੇ ਮੁਕੁਲ ਸ਼ਰਮਾ (20), ਹੈਪੀ ਚੰਦੇਲ (27), ਸੌਰਵ ਪੰਵਾਰ (24), ਹਰਸ਼ (22) ਅਤੇ ਸ਼ਾਹੀਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।     -ਪੀਟੀਆਈ