ਆਦਿੱਤਿਆ ਦੇਵੀ ਲਾਲ ਸਿਰਸਾ ਭਾਜਪਾ ਦੇ ਪ੍ਰਧਾਨ ਨਿਯੁਕਤ

​ਇਕਬਾਲ ਸਿੰਘ ਸ਼ਾਂਤ
​ਡੱਬਵਾਲੀ, 19 ਅਗਸਤ

ਸਵਰਗੀ ਉਪ-ਪ੍ਰਧਾਨ ਮੰਤਰੀ ਚੌਧਰੀ ਦੇਵੀ ਲਾਲ ਦੇ ਪੋਤਰੇ ਅਤੇ ਜ਼ਿਲ੍ਹਾ ਪਰਿਸ਼ਦ ਮੈਂਬਰ ਅਦਿੱਤਿਆ ਦੇਵੀ ਲਾਲ ਨੂੰ ਭਾਜਪਾ ਹਾਈਕਮਾਂਡ ਨੇ ਜ਼ਿਲ੍ਹਾ ਸਿਰਸਾ ਭਾਜਪਾ ਦਾ ਪ੍ਰਧਾਨ ਨਿਯੁਕਤ ਕੀਤਾ ਹੈ। ਇਹ ਜਾਣਕਾਰੀ ਅਦਿੱਤਿਆ ਦੇਵੀ ਲਾਲ ਨੇ ਫੇਸਬੁੱਕ ਪੇਜ ‘ਤੇ ਸਾਂਝੀ ਕੀਤੀ ਹੈ। ਉਨ੍ਹਾਂ ਦੀ ਨਿਯੁਕਤੀ ਭਾਜਪਾ ਦੇ ਸੂਬਾ ਪ੍ਰਧਾਨ ਓਮ ਪ੍ਰਕਾਸ਼ ਧਨਖੜ ਨੇ ਕੀਤੀ ਹੈ। ਅਦਿੱਤਿਆ ਦੇਵੀ ਲਾਲ ਬੀਤੇ ਸੂਬਾਈ ਚੋਣਾਂ ਮੌਕੇ ਭਾਜਪਾ ਟਿਕਟ ‘ਤੇ ਡੱਬਵਾਲੀ ਹਲਕੇ ਤੋਂ ਕਿਸਮਤ ਅਜ਼ਮਾ ਚੁੱਕੇ ਹਨ। ਅਦਿੱਤਿਆ ਦੇਵੀ ਨੇ ਇਹ ਜ਼ਿੰਮੇਵਾਰੀ ਸੌਂਪੇ ਜਾਣ ‘ਤੇ ਪਾਰਟੀ ਸੰਗਠਨ ਦਾ ਧੰਨਵਾਦ ਕੀਤਾ।