ਰੇਣੁਕਾਸਵਾਮੀ ਨੂੰ ਕੰਧ ਨਾਲ ਪਟਕ ਕੇ ਮਾਰਨ ਦਾ ਦੋਸ਼

ਬੰਗਲੂਰੂ: ਕਰਨਾਟਕ ਦੇ ਅਦਾਕਾਰ ਦਰਸ਼ਨ ਥੂਗੁਦੀਪ ਨਾਲ ਜੁੜੇ ਰੇਣੁਕਾਸਵਾਮੀ ਹੱਤਿਆਕਾਂਡ ਦੀ ਜਾਂਚ ਦੌਰਾਨ ਪੁਲੀਸ ਨੂੰ ਹੈਰਾਨੀਜਨਕ ਜਾਣਕਾਰੀ ਮਿਲੀ ਹੈ। ਪੁਲੀਸ ਨੂੰ ਪਤਾ ਚੱਲਿਆ ਹੈ ਕਿ ਰੇਣੁਕਾਸਵਾਮੀ ਦੀ ਕਥਿਤ ਤੌਰ ’ਤੇ ਬੈਲਟ ਨਾਲ ਕੁੱਟਮਾਰ ਕੀਤੀ ਗਈ ਅਤੇ ਫਿਰ ਉਸ ਨੂੰ ਕੰਧ ਨਾਲ ਪਟਕਿਆ ਗਿਆ ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਹੱਤਿਆ ਦੇ ਮਾਮਲੇ ਵਿੱਚ ਉੱਘੇ ਕੰਨੜ ਅਦਾਕਾਰ ਦਰਸ਼ਨ, ਉਸ ਦੇ ਨੇੜਲੇ ਮਿੱਤਰ ਪਵਿੱਤਰਾ ਗੌੜਾ ਅਤੇ 11 ਸਹਿਯੋਗੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਧਰ, ਪੁਲੀਸ ਵੱਲੋਂ ਦਰਸ਼ਨ, ਮੁੱਖ ਮੁਲਜ਼ਮ ਗੌੜਾ ਅਤੇ ਹੋਰ ਮੁਲਜ਼ਮਾਂ ਨੂੰ ਘਟਨਾ ਸਥਾਨ ਦਾ ਨਿਰੀਖਣ ਕਰਨ ਲਈ ਪਟਨਾਗੇਰੇ ਲਿਜਾਇਆ ਗਿਆ। -ਪੀਟੀਆਈ