ਚੋਰੀ ਦੇ ਮੋਟਰਸਾਈਕਲ ਅਤੇ ਸਿਲੰਡਰਾਂ ਸਣੇ ਮੁਲਜ਼ਮ ਕਾਬੂ

ਖਨੌਰੀ: ਇੱਥੋਂ ਦੀ ਪੁਲੀਸ ਨੇ ਲੰਘੇ ਦਿਨੀਂ ਮਹਾਂਲਕਸ਼ਮੀ ਹਲਵਾਈ ਦੀ ਦੁਕਾਨ ਤੋਂ ਚੋਰੀ ਕਰਨ ਵਾਲੇ ਮੁਲਜ਼ਮ ਨੂੰ ਚੋਰੀਸ਼ੁਦਾ ਮੋਟਰਸਾਈਕਲ ਤੇ ਚਾਰ ਸਿਲੰਡਰਾਂ ਸਣੇ ਕਾਬੂ ਕੀਤਾ ਹੈ। ਸਹਾਇਕ ਥਾਣੇਦਾਰ ਬਲਵੀਰ ਸਿੰਘ ਨੇ ਦੱਸਿਆ ਕਿ ਪੁਲੀਸ ਨੇ ਮਿਲੀ ਸੂਹ ਦੇ ਅਧਾਰ ’ਤੇ ਸੋਨੂੰ ਉਰਫ਼ ਮਲੀਗਾ ਪੁੱਤਰ ਫ਼ਾਤਿਆ ਰਾਮ ਵਾਸੀ ਢਾਬੀ ਗੁੱਜਰਾ ਨੂੰ ਕਾਬੂ ਕਰਕੇ ਉਸ ਕੋਲੋਂ ਚੋਰੀ ਦਾ ਮੋਟਰਸਾਈਕਲ ਤੇ ਚੋਰੀ ਕੀਤੇ ਹੋਏ 4 ਸਿਲੰਡਰ ਬਰਾਮਦ ਕੀਤੇ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। -ਪੱਤਰ ਪ੍ਰੇਰਕ