ਦੁਕਾਨ ਤੋਂ ਬਿਨਾਂ ਪੈਸੇ ਦਿੱਤੇ ਸੌਦਾ ਲੈ ਕੇ ਫਰਾਰ
07:52 AM May 10, 2024 IST
Advertisement
ਪੱਤਰ ਪ੍ਰੇਰਕ
ਜ਼ੀਰਾ, 9 ਮਈ
ਇਥੇ ਪਿੰਡ ਖੋਸਾ ਦਾਲ ਸਿੰਘ ਵਿੱਚ ਇੱਕ ਕਰਿਆਨਾ ਸਟੋਰ ਤੋਂ ਅਣਪਛਾਤਾ ਵਿਅਕਤੀ ਬਿਨਾਂ ਪੈਸੇ ਦਿੱਤੇ ਸੌਦਾ ਲੈ ਕੇ ਫਰਾਰ ਹੋ ਗਿਆ। ਦਵਿੰਦਰ ਕੁਮਾਰ ਵਾਸੀ ਪਿੰਡ ਚੂਚਕ ਵਿੰਡ ਨੇ ਦੱਸਿਆ ਕਿ ਉਸ ਦਾ ਪਿੰਡ ਖੋਸਾ ਦਲ ਸਿੰਘ ਵਿੱਚ ਪਿੰਡ ਗੋਗੋਵਾਣੀ ਰੋਡ ’ਤੇ ਸੇਠੀ ਕਰਿਆਨਾ ਸਟੋਰ ਹੈ, ਬੀਤੀ ਸ਼ਾਮ ਉਸ ਦੇ ਸਟੋਰ ਤੋਂ ਇੱਕ ਅਣਪਛਾਤੇ ਵਿਅਕਤੀ ਨੇ 6500 ਰੁਪਏ ਦਾ ਸੌਦਾ ਲਿਆ, ਜਦ ਉਸ ਤੋਂ ਸੌਦੇ ਦੇ ਪੈਸੇ ਮੰਗੇ ਗਏ ਤਾਂ ਉਸ ਵਿਅਕਤੀ ਨੇ ਕਿਹਾ ਕਿ ਪੈਸੇ ਉਸ ਦੀ ਗੱਡੀ ਵਿੱਚ ਪਏ ਹਨ, ਲਿਆ ਕੇ ਦਿੰਦਾ ਹੈ। ਉਹ ਵਿਅਕਤੀ ਸੌਦੇ ਵਾਲੀ ਬੋਰੀ ਆਪਣੀ ਸਵਿੱਫਟ ਗੱਡੀ ਵਿੱਚ ਰੱਖ ਕੇ ਬਿਨਾਂ ਪੈਸੇ ਦਿੱਤੇ ਫਰਾਰ ਹੋ ਗਿਆ। ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ ਹੈ। ਇਸ ਸਬੰਧੀ ਥਾਣਾ ਖੋਸਾ ਦਲ ਸਿੰਘ ਦੀ ਪੁਲੀਸ ਨੂੰ ਜਾਣਕਾਰੀ ਦੇ ਦਿੱਤੀ ਗਈ ਹੈ।
Advertisement
Advertisement