ਮੋਟਰਸਾਈਕਲ ਨਾਲ ਆਵਾਰਾ ਪਸ਼ੂ ਟਕਰਾਉਣ ’ਤੇ ਨੌਜਵਾਨ ਦੀ ਮੌਤ

ਨਿੱਜੀ ਪੱਤਰ ਪ੍ਰੇਰਕ
ਮੋਗਾ, 9 ਅਗਸਤ
ਇਥੇ ਆਵਾਰਾ ਪਸ਼ੂ ਮੋਟਰਸਾਈਕਲ ਨਾਲ ਟਕਰਾਉਣ ਨਾਲ ਇੱਕ ਨੌਜਵਾਨ ਦੀ ਮੌਤ ਹੋ ਗਈ ਤੇ ਦੂਜਾ ਗੰਭੀਰ ਜ਼ਖ਼ਮੀ ਹੋ ਗਿਆ ਹੈ। ਵੇਰਵਿਆਂ ਅਨੁਸਾਰ ਰਵਿੰਦਰ ਕੁਮਾਰ ਪਿੰਡ ਚੂਹੜ ਚੱਕ ਆਪਣੇ ਰਿਸ਼ਤੇਦਾਰ ਰਿੰਕੂ ਸ਼ਰਮਾ ਨਾਲ ਬਾਈਕ ਉੱਤੇ ਪਿੰਡ ਘੱਲ ਕਲਾਂ ਤੋਂ ਆਪਣੇ ਪਿੰਡ ਚੂਹੜਚੱਕ ਪਰਤ ਰਹੇ ਸਨ। ਇਸ ਦੌਰਾਨ ਮੋਗਾ-ਫ਼ਿਰੋਜ਼ਪੁਰ ਕੌਮੀ ਮਾਰਗ ਉੱਤੇ ਪਿੰਡ ਦੁਨੇਕੇ ਵਿੱਚ ਉਨ੍ਹਾਂ ਦੀ ਬਾਈਕ ਅੱਗੇ ਆਵਾਰਾ ਪਸ਼ੂ ਆਉਣ ਨਾਲ ਉਹ ਦੋਵੇਂ ਜਾਣੇ ਡਿੱਗ ਪਏ। ਰਵਿੰਦਰ ਕੁਮਾਰ ਦੀ ਹਸਪਤਾਲ ਵਿਚ ਮੌਤ ਹੋ ਗਈ ਤੇ ਦੂਜਾ ਗੰਭੀਰ ਜ਼ਖ਼ਮੀ ਹੈ। ਰਵਿੰਦਰ ਕੁਮਾਰ ਕਰੀਬ ਢਾਈ ਮਹੀਨੇ ਪਹਿਲਾਂ ਦੁਬਈ ਤੋਂ ਆਇਆ ਸੀ।