ਵਿਸ਼ਵ ਕੱਪ ਦੇ ਸੈਮੀਫਾਈਨਲ ’ਚ ਪ੍ਰਵੇਸ਼ ਕਰਨ ’ਤੇ ਭਾਰਤੀ ਟੀਮ ’ਚ ਖੁਸ਼ੀ ਦੀ ਲਹਿਰ

ਮੁੰਬਈ, 2 ਨਵੰਬਰ
ਵਿਸ਼ਵ ਕੱਪ ਕ੍ਰਿਕਟ ਦੇ ਸੈਮੀਫਾਈਨਲ ’ਚ ਪਹੁੰਚਣ ’ਤੇ ਭਾਰਤੀ ਕਪਤਾਨ ਰੋਹਤਿ ਸ਼ਰਮਾ ਨੇ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਕਿਹਾ ਕਿ ਵਿਸ਼ਵ ਕੱਪ ਦਾ ਪਹਿਲਾ ਗੋਲ ਕਰਨ ’ਚ ਉਹ ਸਫ਼ਲ ਰਹੇ ਹਨ। ਭਾਰਤੀ ਟੀਮ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕਰਨ ਵਾਲੀ ਪਹਿਲੀ ਟੀਮ ਬਣ ਗਈ ਹੈ। ਉਨ੍ਹਾਂ ਅੱਜ ਦੇ ਮੈਚ ’ਚ 56 ਗੇਂਦਾਂ ’ਤੇ ਤੇਜ਼ ਗਤੀ ਨਲ 82 ਦੌੜਾਂ ਬਣਾਉਣ ’ਤੇ ਸ਼੍ਰੇਅਸ ਅਈਅਰ ਦੀ ਪ੍ਰਸੰਸਾ ਕੀਤੀ ਜਿਸ ਜ਼ਰੀਏ ਭਾਰਤੀ ਟੀਮ ਸ੍ਰੀਲੰਕਾ ਅੱਗੇ ਵੱਡਾ ਸਕੋਰ ਰੱਖਣ ਵਿੱਚ ਕਾਮਯਾਬ ਹੋ ਸਕੀ। ਭਾਰਤ ਦਾ ਅਗਲਾ ਮੈਚ ਪੰਜ ਨਵੰਬਰ ਨੂੰ ਦੱਖਣੀ ਅਫ਼ਰੀਕਾ ਨਾਲ ਕੋਲਕਾਤਾ ’ਚ ਹੈ। ਰੋਹਤਿ ਸ਼ਰਮਾ ਨੇ ਕਿਹਾ ਟੀਮ ਇਸ ਲਈ ਬਿਲਕੁਲ ਤਿਆਰ ਹੈ।