ਮਰਹੂਮ ਗਿੱਲ ਦੇ ਨਜ਼ਦੀਕੀਆਂ ਵੱਲੋਂ ਵਿਸ਼ੇਸ਼ ਵਾਹਨ ਤਿਆਰ

ਰੂਪਨਗਰ: ਚੰਡੀਗੜ੍ਹ ਦੇ ਪਹਿਲੇ ਓਲੰਪੀਅਨ ਮਰਹੂਮ ਸੁਖਬੀਰ ਸਿੰਘ ਗਿੱਲ ਦੀ ਅੰਤਿਮ ਅਰਦਾਸ ਵਿੱਚ ਰੂਪਨਗਰ ਨੇੜਲੇ ਪਿੰਡ ਸ਼ਾਮਪੁਰਾ ਦੇ ਸ਼ੇਰ-ਏ-ਪੰਜਾਬ ਸਪੋਰਟਸ ਕਲੱਬ ਦੇ ਨੌਜਵਾਨ ਤੇ ਹਾਕੀ ਖਿਡਾਰੀ ਸ਼ਰਧਾਂਜਲੀ ਸਮਾਗਮ ’ਚ ਪੁੱਜਣਗੇ। ਇਸ ਕਲੱਬ ਨਾਲ ਸੁਖਬੀਰ ਸਿੰਘ ਗਿੱਲ ਲੰਬੇ ਸਮੇਂ ਤੋਂ ਜੁੜੇ ਹੋਏ ਸਨ। ਉਹ ਰੂਪਨਗਰ ਦੇ ਐਸਪੀ ਰਾਜਪਾਲ ਸਿੰਘ ਹੁੰਦਲ ਨਾਲ ਵੀ ਹਾਕੀ ਖੇਡਦੇ ਰਹੇ ਹਨ। ਇਸ ਕਲੱਬ ਦੇ ਨਾਲ ਰਾਜਪਾਲ ਸਿੰਘ ਹੁੰਦਲ ਨੇ ਓਲੰਪੀਅਨ ਸੁਖਬੀਰ ਸਿੰਘ ਗਿੱਲ ਨੂੰ ਸ਼ਰਧਾਂਜਲੀ ਦੇਣ ਲਈ ਰੂਪਨਗਰ ਵਿੱਚ ਵਿਸ਼ੇਸ਼ ਵਾਹਨ ਤਿਆਰ ਕੀਤਾ ਹੈ। ਇਸ ਰਾਹੀਂ ਸ੍ਰੀ ਗਿੱਲ ਦੇ ਪਰਿਵਾਰਕ ਮੈਂਬਰਾਂ ਨੂੰ ਗੁਰਦੁਆਰਾ ਦਸਮੇਸ਼ ਦਰਬਾਰ ਸੈਕਟਰ-49 ਲਿਜਾਇਆ ਜਾਵੇਗਾ। -ਪੱਤਰ ਪ੍ਰੇਰਕ