ਛੁੱਟੀ ਆਏ ਫ਼ੌਜੀ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ

ਨਿੱਜੀ ਪੱਤਰ ਪ੍ਰੇਰਕ
ਮਹਿਲ ਕਲਾਂ­, 24 ਨਵੰਬਰ
ਪਿੰਡ ਹਮੀਦੀ ’ਚ ਛੁੱਟੀ ’ਤੇ ਆਏ ਫ਼ੌਜੀ ਜਵਾਨ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਜਾਣਕਾਰੀ ਅਨੁਸਰ ਨਾਇਕ ਬਲਵਿੰਦਰ ਸਿੰਘ ਰਾਣੂੰ (52) ਪੁੱਤਰ ਭਗਵਾਨ ਸਿੰਘ 1993 ਵਿੱਚ 61 ਇੰਜਨੀਅਰ ਆਰਮੀ ਵਿੱਚ ਭਰਤੀ ਹੋਇਆ ਸੀ ਅਤੇ 18 ਸਾਲ ਦੀ ਨੌਕਰੀ ਤੋਂ ਬਾਅਦ ਸੇਵਾਮੁਕਤ ਹੋ ਗਿਆ। ਉਪਰੰਤ ਮੁੜ ਉਹ 2013 ਵਿੱਚ ਭਾਰਤੀ ਫ਼ੌਜ ਦੀ ਡਿਫੈਂਸ ਸਕਿਉਰਿਟੀ ਕਾਰਪਸ (ਡੀਐੱਸਸੀ) ਵਿੱਚ ਭਰਤੀ ਹੋ ਗਿਆ। ਇਸ ਵੇਲੇ ਉਹ ਬਠਿੰਡਾ ਛਾਉਣੀ ਵਿੱਚ ਨੌਕਰੀ ’ਚ ਤਇਨਾਤ ਸੀ। ਅੱਜ ਆਰਮੀ ਦੀ ਬਠਿੰਡਾ ਯੂਨਿਟ ਤੋਂ ਲੈਂਫ਼ਟੀਨੈਂਟ ਜਨਰਲ ਅਨੁਰਾਗ ਅਤੇ ਸੂਬੇਦਾਰ ਕਮਲੇਸ਼ ਸਿੰਘ ਦੀ ਅਗਵਾਈ ਵਿੱਚ ਪਹੁੰਚੀ ਫ਼ੌਜੀ ਦੀ ਟੁੱਕੜੀ ਨੇ ਬਲਵਿੰਦਰ ਸਿੰਘ ਦੀ ਲਾਸ਼ ਨੂੰ ਸਲਾਮੀ ਦੇ ਕੇ ਸ਼ਰਧਾਂਜਲੀ ਭੇਟ ਕੀਤੀ।