ਸੜਕ ਹਾਦਸੇ ਜ਼ਖ਼ਮੀ ਕਾਂਵੜੀਏ ਦੀ ਇਲਾਜ ਦੌਰਾਨ ਮੌਤ

ਪੱਤਰ ਪ੍ਰੇਰਕ
ਜੀਂਦ, 4 ਅਗਸਤ
ਪਿਛਲੇ ਦੋ ਦਿਨ ਪਹਿਲਾਂ ਪਿੰਡ ਚੰਡਾਨਾ ਕੋਲ ਵਾਪਰੇ ਸੜਕ ਹਾਦਸੇ ਵਿੱਚ ਜ਼ਖਮੀ ਹੋਏ ਕਾਂਵੜੀਏ ਦੀ ਜੀਂਦ ਦੇ ਹਸਪਤਾਲ ਵਿੱਚ ਇਲਾਜ ਦੌਰਾਨ ਮੌਤ ਹੋ ਗਈ ਹੈ। ਲਾਸ਼ ਦਾ ਪੋਸਟ ਮਾਰਟਮ ਕਾਰਵਾ ਕੇ ਵਾਰਸਾਂ ਨੂੰ ਸੌਂਪ ਦਿੱਤੀ ਗਈ ਹੈ। ਮ੍ਰਿਤਕ ਦੇ ਸਾਥੀ ਕਾਂਵੜੀਏ ਵਕੀਲ ਕੁਮਾਰ ਨੇ ਪੁਲੀਸ ਨੂੰ ਦੱਸਿਆ ਕਿ ਰਾਜਸਥਾਨ ਦੇ ਜ਼ਿਲ੍ਹਾ ਹਨੂਮਾਨ ਨਗਰ ਦੇ ਤਹਿਤ ਪੈਂਦੇ ਪਿੰਡ ਚਾਹੂਵਾਲੀ ਦਾ ਮਹਿੰਦਰ (52) 16 ਹੋਰ ਸਾਥੀਆਂ ਨਾਲ ਕੇ ਉਤਰਾਖੰਡ ਦੇ ਹਰਿਦੁਆਰ ਤੋਂ ਜਲ ਲੈ ਕੇ ਆ ਰਿਹਾ ਸੀ। ਕੈਥਲ ਦੇ ਪਿੰਡ ਚੰਡਾਨਾ ਕੋਲ ਪਿੱਛੋਂ ਆ ਰਹੇ ਤੇਜ਼ ਰਫ਼ਤਾਰ ਟਰੱਕ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ। ਉਸ ਨੂੰ ਨਰਵਾਣਾ ਦੇ ਸਰਕਾਰੀ ਹਸਪਤਾਲ ਵਿੱਚ ਲਿਜਾਇਆ ਗਿਆ, ਜਿਥੋਂ ਮਹਿੰਦਰ ਨੂੰ ਜੀਂਦ ਦੇ ਹਸਪਤਾਲ ਵਿੱਚ ਰੈਫਰ ਕਰ ਦਿੱਤਾ ਗਿਆ , ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ।