ਪੈਸੇ ਬਗ਼ੈਰ ਸਿਆਸੀ ਪਾਰਟੀ ਚੱਲ ਨਹੀਂ ਸਕਦੀ ਤੇ ਕੇਂਦਰ ਚੰਗੇ ਇਰਾਦੇ ਨਾਲ ਚੋਣ ਬਾਂਡ ਸਕੀਮ ਲੈ ਕੇ ਆਇਆ ਸੀ: ਗਡਕਰੀ

ਅਹਿਮਦਾਬਾਦ, 23 ਮਾਰਚ
ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਕਿਹਾ ਕਿ ਪੈਸੇ ਤੋਂ ਬਿਨਾਂ ਸਿਆਸੀ ਪਾਰਟੀ ਚਲਾਉਣਾ ਸੰਭਵ ਨਹੀਂ ਹੈ ਅਤੇ ਕੇਂਦਰ ਨੇ ‘ਚੰਗੇ ਇਰਾਦੇ’ ਨਾਲ ਚੋਣ ਬਾਂਡ ਸਕੀਮ ਸ਼ੁਰੂ ਕੀਤੀ ਸੀ। ਕੇਂਦਰ ਸਰਕਾਰ ਵੱਲੋਂ 2017 ਵਿੱਚ ਲਿਆਂਦੀ ਇਸ ਸਕੀਮ ਨੂੰ ਸੁਪਰੀਮ ਕੋਰਟ ਨੇ ਅਸੰਵਿਧਾਨਕ ਕਰਾਰ ਦਿੰਦਿਆਂ ਰੱਦ ਕਰ ਦਿੱਤਾ ਹੈ। ਭਾਜਪਾ ਦੇ ਸੀਨੀਅਰ ਨੇਤਾ ਨੇ ਇਥੇ ਪੱਤਰਕਾਰਾਂ ਨੂੰ ਕਿਹਾ ਕਿ ਜੇ ਸੁਪਰੀਮ ਕੋਰਟ ਇਸ ਮਾਮਲੇ 'ਤੇ ਕੋਈ ਹੋਰ ਨਿਰਦੇਸ਼ ਦਿੰਦੀ ਹੈ ਤਾਂ ਸਾਰੀਆਂ ਸਿਆਸੀ ਪਾਰਟੀਆਂ ਨੂੰ ਇਕੱਠੇ ਬੈਠ ਕੇ ਇਸ 'ਤੇ ਚਰਚਾ ਕਰਨ ਦੀ ਲੋੜ ਹੈ।