ਵਪਾਰ ਮੰਡਲ ਤਪਾ ਦੇ ਆਗੂਆਂ ਦੀ ਮੀਟਿੰਗ

ਰਵਿੰਦਰ ਰਵੀ
ਬਰਨਾਲਾ/ਤਪਾ ਮੰਡੀ,14 ਅਕਤੂਬਰ
ਇੱਥੇ ਅੱਜ ਵਪਾਰ ਮੰਡਲ ਤਪਾ ਦੀ ਮੀਟਿੰਗ ਪ੍ਰਧਾਨ ਦੀਪਕ ਕੁਮਾਰ ਬਾਂਸਲ ਅਤੇ ਚੇਅਰਮੈਨ ਸੰਦੀਪ ਕੁਮਾਰ ਵਿੱਕੀ ਦੀ ਅਗਵਾਈ ਹੇਠ ਹੋਈ। ਮੀਟਿੰਗ ’ਚ ਵੱਖ ਵੱਖ ਟਰੇਡਜ਼ ਨਾਲ ਸਬੰਧਿਤ ਸਮੂਹ ਵਪਾਰੀਆਂ ਨੇ ਭਾਗ ਲਿਆ। ਮੀਟਿੰਗ ਦੌਰਾਨ ਸਮੂਹ ਵਪਾਰੀਆਂ ਨੇ ਅਹਿਮ ਫੈਸਲੇ ਲੈਣ ਉਪਰੰਤ ਕਿਹਾ ਕਿ ਦੀਵਾਲੀ ਦਾ ਤਿਉਹਾਰ ਨਜ਼ਦੀਕ ਆ ਰਿਹਾ ਹੈ ਜਿਸ ਦੇ ਚੱਲਦਿਆਂ ਵਪਾਰ ਨਾਲ ਸਬੰਧਤ ਵੱਖ ਵੱਖ ਵਿਭਾਗਾਂ ਦੇ ਅਧਿਕਾਰੀਆਂ ਵੱਲੋਂ ਵਪਾਰੀਆਂ ਨੂੰ ਤੰਗ ਕੀਤਾ ਜਾ ਰਿਹਾ ਹੈ ਜਿਸ ਨੂੰ ਕਿਸੇ ਵੀ ਕੀਮਤ ’ਤੇ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਉਨ੍ਹਾਂ ਵਪਾਰ ਨਾਲ ਸਬੰਧਤ ਸਮੂਹ ਸਰਕਾਰੀ ਵਿਭਾਗਾਂ ਜੀਐੱਸਟੀ ਤੇ ਸਿਹਤ ਵਿਭਾਗ ਆਦਿ ਵਿਭਾਗਾਂ ਦੇ ਅਧਿਕਾਰੀਆਂ ਨੂੰ ਕਿਹਾ ਕਿ ਜੇਕਰ ਕਿਸੇ ਵੀ ਵਿਭਾਗ ਨੇ ਕੋਈ ਵੀ ਕਾਰਵਾਈ ਕਰਨੀ ਹੈ ਤਾਂ ਉਹ ਪਹਿਲਾਂ ਵਪਾਰ ਮੰਡਲ ਨੂੰ ਆਪਣੇ ਭਰੋਸੇ ਵਿੱਚ ਲਏ ਨਾ ਕਿ ਲੋਕਾਂ ਨੂੰ ਘੇਰ ਕੇ ਪ੍ਰੇਸ਼ਾਨ ਨਾ ਕੀਤਾ ਜਾਵੇ। ਇਸ ਮੌਕੇ ਵਪਾਰੀ ਅਜੇਪਾਲ ਸੂਰਿਆ, ਬਾਬਰ ਰਾਮ, ਖੁਸ਼ਦੀਪ ਗਰਗ, ਭੂਸ਼ਣ ਘੜੈਲਾ, ਗਾਗੜ, ਪਵਨ ਅਰੋੜਾ, ਅਸ਼ੋਕ ਮਿੱਤਲ ਤੇ ਮੋਹਨ ਲਾਲ ਗੋਗਾ ਆਦਿ ਹਾਜ਼ਰ ਸਨ।