ਦਿਵਿਆਂਗ ਲੋਕ ਭਲਾਈ ਸੇਵਾ ਸੁਸਾਇਟੀ ਦੀ ਮੀਟਿੰਗ ਹੋਈ

ਸ਼ਹਿਣਾ: ਦਿਵਿਆਂਗ ਲੋਕ ਭਲਾਈ ਸੇਵਾ ਸੁਸਾਇਟੀ ਦੀ ਮੀਟਿੰਗ ਸ਼ਹੀਦੀ ਯਾਦਗਾਰ ਸ਼ਹਿਣਾ ਵਿਚ ਹੋਈ। ਇਸ ਦੌਰਾਨ ਅੰਗਹੀਣ ਵਰਗ ਦੀਆਂ ਸਮੱਸਿਆਵਾਂ ਬਾਰੇ ਚਰਚਾ ਕੀਤੀ ਗਈ। ਪ੍ਰਧਾਨ ਸਲੀਮ ਖਾਨ ਅਤੇ ਤੇਜਿੰਦਰ ਦਾਸ ਬਾਵਾ ਨੇ ਦੱਸਿਆ ਕਿ ਮੁਸ਼ਕਲਾਂ ਦੇ ਹੱਲ ਲਈ ਵੱਡੇ ਸੰਘਰਸ਼ ਦੀ ਲੋੜ ਹੈ। ਅੰਗਹੀਣ ਵਿਅਕਤੀਆਂ ਦੀ ਕੋਈ ਸੁਣਵਾਈ ਨਹੀਂ ਹੋ ਸਕੀ। ਉਨ੍ਹਾਂ ਨੂੰ ਸਮਾਜ ਦਾ ਹਿੱਸਾ ਹੀ ਨਹੀਂ ਮੰਨਿਆ ਜਾਂਦਾ ਹੈ ਜਦ ਕਿ ਵੱਡੀ ਗਿਣਤੀ ’ਚ ਅੰਗਹੀਣ ਵਿਅਕਤੀ ਆਪਣਾ ਕੰਮਕਾਰ ਕਰਕੇ ਪੇਟ ਪਾਲ ਰਹੇ ਹਨ। ਇਸ ਮੌਕੇ ਇਲੈਕਟ੍ਰੋਨਿਕ ਸਕੂਟੀਆਂ, ਮੋਟਰ ਸਾਈਕਲਾਂ ਅਤੇ ਪੈਨਸ਼ਨਾਂ ਦੇ ਫਾਰਮ ਵੀ ਭਰੇ ਗਏ। -ਪੱਤਰ ਪ੍ਰੇਰਕ