ਪਾਤੜਾਂ ’ਚ ਮਿੱਟੀ ਹੇਠ ਦਬ ਕੇ ਮਜ਼ਦੂਰ ਦੀ ਮੌਤ, ਦੂਜਾ ਜ਼ਖ਼ਮੀ

ਪਾਤੜਾਂ (ਪੱਤਰ ਪ੍ਰੇਰਕ): ਸ਼ਹਿਰ ਦੇ ਚੁਨਾਗਰਾ ਰੋਡ ਉੱਤੇ ਨਵੀਂ ਉਸਾਰੀ ਜਾ ਰਹੀ ਗਰੀਨ ਐਵੈਨਿਊ ਕਲੋਨੀ ਵਿੱਚ ਸੀਵਰੇਜ ਟਰੀਟਮੈਂਟ ਪਲਾਂਟ ਬਣਾਉਣ ਲਈ ਚੱਲ ਰਹੇ ਕੰਮ ਦੌਰਾਨ ਪੁੱਟੇ ਜਾ ਰਹੇ ਟੋਏ ਵਿੱਚ ਮਿੱਟੀ ਦੀ ਢਿੱਗ ਡਿੱਗਣ ਕਾਰਨ ਮਜ਼ਦੂਰ ਸੋਨੀ ਪੁੱਤਰ ਜੱਗਾ ਸਿੰਘ ਵਾਸੀ ਗੋਬਿੰਦਪੁਰਾ ਪੈਂਦ ਦੀ ਮੌਤ ਹੋ ਗਈ ਅਤੇ ਮਨਦੀਪ ਕੌਰ ਪਤਨੀ ਸੁਰਜੀਤ ਰਾਮ ਵਾਸੀ ਅਤਾਲਾ ਹਸਪਤਾਲ ਦਾਖ਼ਲ ਹੈ। ਟੋਇਆ ਪੁੱਟਣ ਲਈ ਚਾਰ ਪੁਰਸ਼ ਅਤੇ ਤਿੰਨ ਔਰਤ ਮਜ਼ਦੂਰ ਲੱਗੇ ਹੋਏ ਸਨ। ਇਸੇ ਦੌਰਾਨ ਮਿੱਟੀ ਦੀ ਢਿੱਗ ਮਜ਼ਦੂਰਾਂ ’ਤੇ ਆਣ ਡਿੱਗ ਪਈ।