ਦਾਖ਼ਲੇ ਵਿੱਚ ਕੋਟੇ ਨੂੰ ਬਹਾਲ ਕਰਨ ਦੀ ਮੰਗ ਨੂੰ ਲੈ ਕੇ ਭੁੱਖ ਹੜਤਾਲ ਸ਼ੁਰੂ
06:49 AM Jul 26, 2024 IST
ਅੰਮ੍ਰਿਤਸਰ: ਵਿਦਿਆਰਥੀ ਸੰਗਠਨ ਸੱਥ ਨੇ ਸਰਹੱਦੀ ਖੇਤਰ, ਪੇਂਡੂ ਖੇਤਰ ਅਤੇ 1984 ਦੇ ਦੰਗਿਆਂ ਦੌਰਾਨ ਪ੍ਰਭਾਵਿਤ ਪਰਿਵਾਰਾਂ ਦੇ ਵਿਦਿਆਰਥੀਆਂ ਲਈ ਯੂਨੀਵਰਸਿਟੀ ਵਿੱਚ ਦਾਖ਼ਲੇ ਵਿੱਚ ਕੋਟੇ ਨੂੰ ਬਹਾਲ ਕਰਨ ਦੀ ਆਪਣੀ ਮੰਗ ਨੂੰ ਲੈ ਕੇ ਅੱਜ ਭੁੱਖ ਹੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਇਸ ਤਹਿਤ ਜੀਐੱਨਡੀਯੂ ਕੈਂਪਸ ਵਿੱਚ ਸੰਗਠਨ ਦੇ ਤਿੰਨ ਵਿਦਿਆਰਥੀਆਂ ਨੇ ਅੱਜ ਭੁੱਖ ਹੜਤਾਲ ਰਖੀ ਹੈ। ਜਥੇਬੰਦੀ ਨੇ ਇਸ ਕੋਟੇ ਦੀ ਬਹਾਲੀ ਲਈ ਪਿਛਲੇ ਹਫ਼ਤੇ ਯੂਨੀਵਰਸਿਟੀ ਅਧਿਕਾਰੀਆਂ ਨਾਲ ਮਿਲ ਕੇ ਸੰਘਰਸ਼ ਦਾ ਐਲਾਨ ਕੀਤਾ ਸੀ। ਭੁੱਖ ਹੜਤਾਲ ’ਤੇ ਬੈਠੇ ਤਿੰਨਾਂ ਵਿਦਿਆਰਥੀਆਂ, ਜਸਕਰਨ ਸਿੰਘ ਜ਼ੀਰਾ, ਕਰਨਵੀਰ ਸਿੰਘ ਵਿਰਕ ਅਤੇ ਗੁਰਵਿੰਦਰ ਸਿੰਘ ਵਰਪਾਲ ਨੇ ਕਿਹਾ ਕਿ ਕੋਟੇ ਨੂੰ ਮੁੜ ਬਹਾਲ ਕੀਤਾ ਜਾਵੇ। ਇਸ ਤੋਂ ਇਲਾਵਾ ਯੂਨੀਵਰਸਿਟੀ ਦੀਆਂ ਫੀਸਾਂ ਦੇ ਵਾਧੇ ਨੂੰ ਨਿਯਮਤ ਕਰਨ ਦੀ ਵੀ ਮੰਗ ਸ਼ਾਮਲ ਹੈ। -ਟਨਸ
Advertisement
Advertisement
Related News
Advertisement