ਸ਼ਾਰਟ ਸਰਕਟ ਕਾਰਨ ਚਾਹ ਦੀ ਦੁਕਾਨ ਵਿੱਚ ਅੱਗ ਲੱਗੀ

ਪੱਤਰ ਪੇ੍ਰਕ

ਕਾਲਾਂਵਾਲੀ, 6 ਜੂਨ

ਇੱਥੋਂ ਦੀ ਪੁਰਾਣਾ ਥਾਣਾ ਰੋਡ ‘ਤੇ ਅਨਾਜ ਮੰਡੀ ਗੇਟ ਦੇ ਸਾਹਮਣੇ ਭਾਟੀਆ ਟੀ-ਸਟਾਲ ‘ਤੇ ਸ਼ਾਰਟ ਸਰਕਟ ਕਾਰਨ ਅੱਗ ਲੱਗਣ ਨਾਲ ਹਜ਼ਾਰਾਂ ਰੁਪਏ ਦਾ ਨੁਕਸਾਨ ਹੋ ਗਿਆ। ਦੁਕਾਨਦਾਰ ਜਗਸੀਰ ਸਿੰਘ ਨੇ ਦੱਸਿਆ ਕਿ ਬਿਜਲੀ ਦੀਆਂ ਤਾਰਾਂ ਛੱਤ ਦੇ ਉਪਰੋਂ ਲੰਘਦੀਆਂ ਹਨ। ਉਸ ਨੇ ਦੱਸਿਆ ਕਿ ਦੁਪਹਿਰ ਵੇਲੇ ਅਚਾਨਕ ਤਾਰ ‘ਚੋਂ ਸ਼ਾਰਟ ਸਰਕਟ ਹੋ ਗਿਆ, ਜਿਸ ਕਾਰਨ ਛੱਤ ਨੂੰ ਅੱਗ ਲੱਗ ਗਈ। ਆਸ-ਪਾਸ ਦੇ ਦੁਕਾਨਦਾਰਾਂ ਦੀ ਮਦਦ ਨਾਲ ਅੱਗ ‘ਤੇ ਕਾਬੂ ਪਾਇਆ ਗਿਆ। ਦੁਕਾਨ ‘ਤੇ ਕੰਮ ਕਰਨ ਵਾਲਾ ਲੜਕਾ ਸ਼ੈੱਡ ਦੇ ਹੇਠਾਂ ਬੈਠਾ ਸੀ, ਜਿਸ ਨੇ ਅੱਗ ਦੀਆਂ ਲਪਟਾਂ ਵਧਦੀਆਂ ਦੇਖ ਕੇ ਭੱਜ ਕੇ ਆਪਣੀ ਜਾਨ ਬਚਾਈ।