ਬਾਬਾ ਭੈਰੋਂ ਜਤੀ ਦੇ ਮੰਦਰ ’ਚ ਮੇਲਾ ਭਰਿਆ

ਮੁੱਲਾਂਪੁਰ ਗਰੀਬਦਾਸ:

ਸ਼ਿਵਾਲਿਕ ਦੀਆਂ ਪਹਾੜੀਆਂ ਵਿਚਕਾਰ ਵਸੇ ਹੋਏ ਪਿੰਡ ਸਿੱਸਵਾਂ ਵਿੱਚ ਪਹਾੜੀ ਦੀ ਚੋਟੀ ਉੱਤੇ ਬਣੇ ਪ੍ਰਾਚੀਨ ਮੰਦਰ ਬਾਬਾ ਭੈਰੋਂ ਜਤੀ ਦੇ ਦਰਬਾਰ ਵਿੱਚ ਅਸ਼ਟਮੀ ਮੇਲਾ ਕਰਵਾਇਆ ਗਿਆ। ਮੰਦਰ ਦੇ ਪੁਜਾਰੀ ਦਿਲਬਾਗ ਗਿਰ ਨੇ ਦੱਸਿਆ ਕਿ ਮੇਲੇ ਦੌਰਾਨ ਭਗਤ ਨਰਿੰਦਰ ਸਿੰਘ ਸੁਹਾਣਾ ਨੇ ਆਪਣੀ ਮੰਡਲੀ ਨਾਲ ਪੁਆਧੀ ਅਖਾੜਾ ਲਾਇਆ। ਇਸ ਮੌਕੇ ਵਿਧਾਇਕ ਅਨਮੋਲ ਗਗਨ ਮਾਨ, ਸਾਬਕਾ ਮੰਤਰੀ ਜਗਮੋਹਨ ਸਿੰਘ ਕੰਗ ਤੇ ਸਰਪੰਚ ਸੰਜੀਵ ਕੁਮਾਰ ਵਿੱਕੀ ਨੇ ਵੀ ਸ਼ਿਰਕਤ ਕੀਤੀ। -ਪੱਤਰ ਪ੍ਰੇਰਕ