ਕਾਂਗਰਸੀ ਆਗੂਆਂ ਦਾ ਵਫ਼ਦ ਸੰਸਦ ਮੈਂਬਰ ਘੁਬਾਇਆ ਨੂੰ ਮਿਲਿਆ

ਪੱਤਰ ਪ੍ਰੇਰਕ
ਅਬੋਹਰ, 18 ਜੁਲਾਈ
ਅਬੋਹਰ ਦੇ ਕਾਂਗਰਸੀ ਆਗੂਆਂ ਦਾ ਇੱਕ ਵਫ਼ਦ ਸੰਸਦ ਮੈਂਬਰ ਸ਼ੇਰ ਸਿੰਘ ਘੁਬਾਇਆ ਨੂੰ ਮਿਲਿਆ। ਇਸ ਵਫ਼ਦ ਵੱਲੋਂ ਘੁਬਾਇਆ ਨੂੰ 2 ਮੰਗ ਪੱਤਰ ਦਿੱਤੇ ਗਏ। ਉਨ੍ਹਾਂ ਮੰਗ ਕੀਤੀ ਕਿ ਕਰੋਨਾ ਦੇ ਸਮੇਂ ਤੋਂ ਬੰਦ ਪਈ ਉਧਾਨ ਆਭਾ ਰੇਲ ਗੱਡੀ ਨੂੰ ਦੁਬਾਰਾ ਚਾਲੂ ਕੀਤਾ ਜਾਵੇ ਅਤੇ ਅਬੋਹਰ ਦੇ ਤਿੰਨੋਂ ਰੇਲਵੇ ਫਾਟਕਾਂ ’ਤੇ ਪੁਲ ਜਾਂ ਅੰਡਰਬ੍ਰਿਜ ਬਣਾਏ ਜਾਣ। ਇਸ ਵਫ਼ਦ ਦੀ ਅਗਵਾਈ ਪ੍ਰਧਾਨ ਸੁਭਾਸ਼ ਬਾਘਲਾ ਨੇ ਕੀਤੀ। ਇਸ ਦੌਰਾਨ ਸੰਸਦ ਮੈਂਬਰ ਘੁਬਾਇਆ ਨੇ ਵਫਦ ਨੂੰ ਭਰੋਸਾ ਦਿੱਤਾ ਕਿ ਉਹ ਉਨ੍ਹਾਂ ਦੀਆਂ ਮੰਗਾਂ ਨੂੰ ਕੇਂਦਰ ਦੇ ਧਿਆਨ ਵਿਚ ਲਿਆ ਕੇ ਹੱਲ ਕਰਵਾਉਣਗੇ। ਉਨ੍ਹਾਂ ਆਖਿਆ ਕਿ ਉਹ ਇਲਾਕੇ ਦੇ ਸਰਬਪੱਖੀ ਵਿਕਾਸ ਲਈ ਵਚਨਬੱਧ ਹਨ। ਉਨ੍ਹਾਂ ਦੇ ਨਾਲ ਬੀਐਸ ਬਲਦੇਵ, ਸ੍ਰੀਰਾਮ ਨੂਨੀਵਾਲ, ਰਬਿੰਦਰ ਦੱਤਾ, ਸੰਦੀਪ ਬਾਘਲਾ, ਸਰਪ੍ਰਸਤ ਯੁਧਿਸ਼ਠਰ ਗੱਕੜ, ਮਹਿਲਾ ਆਗੂ ਕਵਿਤਾ ਸੋਲੰਕੀ, ਸ਼ਹਿਰੀ ਯੂਥ ਪ੍ਰਧਾਨ ਮੋਨੂੰ ਆਰੀਆ, ਸੋਨੂ ਸੰਧੂ, ਵੀਰੇਸ਼ ਸੇਠੀ, ਦਿਹਾਤੀ ਪ੍ਰਧਾਨ ਹਰਪ੍ਰੀਤ ਸਿੰਘ, ਸਤਦੇਵ ਸੋਖਲ, ਜ਼ਿਲ੍ਹਾ ਯੂਥ ਪ੍ਰਧਾਨ ਸੁਰਜੀਤ ਸੰਧੂ ਆਦਿ ਹਾਜ਼ਰ ਸਨ।