ਪਿੰਡ ਬਰਸਟ ਵਿੱਚ ਕ੍ਰਿਕਟ ਟੂਰਨਾਮੈਂਟ ਕਰਵਾਇਆ

ਪੱਤਰ ਪ੍ਰੇਰਕ
ਪਟਿਆਲਾ, 14 ਅਗਸਤ
ਪਿੰਡ ਬਰਸਟ ਵਿੱਚ ਕ੍ਰਿਕਟ ਟੂਰਨਾਮੈਂਟ ਕਰਵਾਇਆ ਗਿਆ, ਜਿਸ ਵਿੱਚ ਪੰਜਾਬ ਮੰਡੀ ਬੋਰਡ ਦੇ ਚੇਅਰਮੈਨ ਹਰਚੰਦ ਸਿੰਘ ਬਰਸਟ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਸ ਮੌਕੇ ਹਰਚੰਦ ਸਿੰਘ ਬਰਸਟ ਨੇ ਟੂਰਨਾਮੈਂਟ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਪਹਿਲਾ ਸਥਾਨ ਹਾਸਲ ਕਰਨ ਵਾਲੀ ਫੱਮਣਵਾਲਾ ਟੀਮ ਨੂੰ 71,000 ਰੁਪਏ ਅਤੇ ਦੂਜੇ ਸਥਾਨ ’ਤੇ ਰਹਿਣ ਵਾਲੀ ਰਸੂਲਪੁਰ ਟੀਮ ਨੂੰ 41,000 ਰੁਪਏ ਇਨਾਮੀ ਰਾਸ਼ੀ ਤੇ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ। ਇਸ ਦੇ ਨਾਲ ਹੀ ਮੈਨ ਆਫ਼ ਦਾ ਸੀਰੀਜ਼ ਰਹਿਣ ਵਾਲੇ ਰਾਜੂ ਫੱਮਣਵਾਲਾ ਨੂੰ ਐਲਈਡੀ, ਸਰਵੋਤਮ ਬੱਲੇਬਾਜ਼ ਸੋਨੀ ਚੱਨਗਰਾ ਅਤੇ ਸਰਵੋਤਮ ਗੇਂਦਬਾਜ਼ ਲਾਡੀ ਬਰਸਟ ਤੇ ਪ੍ਰੀਤ ਮਾਝੀ ਜੂਸਰ ਤੇ ਕੱਪ ਦੇ ਕੇ ਸਨਮਾਨਿਤ ਕੀਤਾ ਗਿਆ।