32.49 ਲੱਖ ਦੀ ਧੋਖਾਧੜੀ ਕਰਨ ’ਤੇ ਕੇਸ ਦਰਜ

ਪੱਤਰ ਪ੍ਰੇਰਕ

ਟੋਹਾਣਾ, 5 ਅਪਰੈਲ

ਗੌਰਖਪੁਰ ਦੇ ਡਾਕਘਰ ਦੇ 39 ਖਾਤਾਂ ਧਾਰਕਾਂ ਦੇ 32.49 ਲੱਖ ਰੁਪਏ ਗਬਨ ਕਰਨ ਦੇ ਦੋਸ਼ ਹੇਠ ਹਿਸਾਰ ਮੰਡਲ ਦੇ ਇੰਸਪੈਕਟਰ ਡਾਕਘਰ ਕੁਲਦੀਪ ਸਿੰਘ ਦੀ ਸ਼ਿਕਾਇਤ ’ਤੇ ਪੁਲੀਸ ਨੇ ਡਾਕਪਾਲ ਸੁਭਾਸ਼ ਚੰਦਰ ਸਿੰਘ ਵਿਰੁੱਧ ਧੋਖਾਧੜੀ ਦਾ ਮਾਮਲਾ ਦਰਜ ਕੀਤਾ ਹੈ। ਮਾਮਲੇ ਦਾ ਖੁਲਾਸਾ ਉਸ ਸਮੇਂ ਹੋਇਆ ਜਦੋਂ ਗੋਰਖਪੁਰ ਦੇ ਖਾਤਾ ਮਾਲਕਾਂ ਨੇ ਅਗਰੋਹਾ ਡਾਕਘਰ ਦੇ ਅਧਿਕਾਰੀ ਰਾਮਭਗਤ ਨੂੰ ਪਾਸਬੁਕਾਂ ਪੇਸ਼ ਕਰਕੇ ਜਮ੍ਹਾਂ ਰਾਸ਼ੀ ਦੀ ਮੰਗ ਕੀਤੀ ਤਾਂ ਉਨ੍ਹਾ ਨੂੰ ਜਾਅਲਸ਼ਾਜੀ ਦੇ ਮਾਮਲੇ ਬਾਰੇ ਮੰਡਲ ਅਧਿਕਾਰੀ ਦੀ ਪੜਤਾਲ ਵਿੱਚ 39 ਵਿਅਕਤੀਆਂ ਦੇ ਖਾਤਿਆਂ ਦੇ 32.49 ਲੱਖ ਰੁਪਏ ਦੀ ਧੋਖਾਘੜੀ ਕੀਤੇ ਜਾਣ ’ਤੇ ਮਾਮਲਾ ਭੁਨਾ ਪੁਲੀਸ ਨੂੰ ਸੌਂਪ ਦਿੱਤਾ ਗਿਆ।