ਸਹਿਕਾਰੀ ਸਭਾ ਵਿੱਚ ਘਪਲਾ ਕਰਨ ਦੇ ਦੋਸ਼ ਹੇਠ ਸਕੱਤਰ ਖ਼ਿਲਾਫ਼ ਕੇਸ ਦਰਜ

ਮਾਨਸਾ (ਪੱਤਰ ਪ੍ਰੇਰਕ): ਮਾਨਸਾ ਜ਼ਿਲ੍ਹੇ ਦੀ ਸਹਿਕਾਰੀ ਖੇਤੀਬਾੜੀ ਸਰਵਿਸ ਸਭਾ ਲਿਮਟਿਡ ਨੰਦਗੜ੍ਹ ਵਿੱਚ ਘਪਲਾ ਕਰਨ ਦੇ ਦੋਸ਼ ਹੇਠ ਸਭਾ ‘ਚ ਸਕੱਤਰ ਰਹੇ ਜਸਪਾਲ ਸਿੰਘ ਖਿਲਾਫ਼ ਥਾਣਾ ਝੁਨੀਰ ‘ਚ ਕੇਸ ਦਰਜ ਕੀਤਾ ਗਿਆ ਹੈ। ਪੁਲੀਸ ਅਨੁਸਾਰ ਮੁਦੱਈ ਸਿਨਾਜ ਮਿੱਤਲ ਸਹਾਇਕ ਰਜਿਸਟਰਾਰ ਸਹਿਕਾਰੀ ਸਭਾਵਾਂ ਵੱਲੋਂ 6 ਜੂਨ ਨੂੰ ਇਕ ਦਰਖਾਸਤ ਦੇਕੇ ਸ਼ਿਕਾਇਤ ਕੀਤੀ ਗਈ ਸੀ ਕਿ ਜਸਪਾਲ ਸਿੰਘ ਵੱਲੋਂ ਆਪਣੀ ਡਿਊਟੀ ਸਮੇਂ ਦੌਰਾਨ ਨੰਦਗੜ੍ਹ ਬਹੁਮੰਤਵੀ ਸਹਿਕਾਰੀ ਖੇਤੀਬਾੜੀ ਸਰਵਿਸ ਲਿਮਟਿਡ ਨੰਦਗੜ੍ਹ ਵਿੱਚ ਸਟਾਕ ਖਾਦ, ਸਟਾਕ ਜ਼ਰੂਰੀ ਵਸਤੂਆਂ ਅਤੇ ਸਟਾਕ ਕੈਟਲ ਫੀਡ ਦਾ ਗਬਨ ਕੀਤਾ ਹੈ। ਮਾਮਲੇ ਦੀ ਤਫ਼ਤੀਸ਼ ਇੰਚਾਰਜ ਈਓ ਵਿੰਗ ਨੇ ਦੱਸਿਆ ਕਿ ਜਾਂਚ ਪੜਤਾਲ ਬਾਅਦ ਜਸਪਾਲ ਸਿੰਘ ਵਾਸੀ ਨੰਦਗੜ੍ਹ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ।