ਅਦਾਲਤ ਦੇ ਹੁਕਮਾਂ ’ਤੇ ਧੋਖਾਧੜੀ ਦਾ ਕੇਸ

ਲੁਧਿਆਣਾ:

ਥਾਣਾ ਡਿਵੀਜ਼ਨ ਨੰਬਰ 5 ਦੀ ਪੁਲੀਸ ਨੇ ਅਦਾਲਤ ਨਾਲ ਜਾਅਲਸਾਜ਼ੀ ਕਰਨ ਦੇ‌ ਦੋਸ਼ ਤਹਿਤ ਇੱਕ ਔਰਤ ਸਮੇਤ ਤਿੰਨ ਜਣਿਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਇਸ ਸਬੰਧੀ ਅਦਾਲਤ ਕਰਨ ਕੁਮਾਰ ਜੇਐਮਆਈਸੀ ਨੇ ਸ਼ਿਕਾਇਤ ਕੀਤੀ ਹੈ ਕਿ ਰਜਨੀਸ਼ ਠਾਕੁਰ ਵਾਸੀ ਲਲਤੋਂ ਕਲਾਂ, ਚੰਦਨ ਸ਼ਾਹ ਵਾਸੀ ਨਿਰੰਕਾਰੀ ਮੁਹੱਲਾ ਮਿਲਰਗੰਜ ਅਤੇ ਊਸ਼ਾ ਦੇਵੀ ਪਤਨੀ ਸੰਦੀਪ ਸਚਦੇਵਾ ਵਾਸੀ ਹਾਊਸਿੰਗ ਬੋਰਡ ਫੇਸ-2 ਨੇ ਇਕ ਕੇਸ ਵਿੱਚ ਥਾਣਾ ਡਵੀਜ਼ਨ ਨੰਬਰ 6 ਦੇ ਦੋਸ਼ੀ ਸੂਰਜ ਸ਼ਾਹ ਦੀ ਜ਼ਮਾਨਤ ਭਰਾਈ ਸੀ, ਜੋ ਪੜਤਾਲ ਕਰਨ ’ਤੇ ਜਾਅਲੀ ਪਾਈ ਗਈ। ਇਸ ’ਤੇ ਮੁਕੱਦਮਾ ਦਰਜ ਕਰਕੇ ਤਫਤੀਸ਼ ਅਮਲ ਵਿੱਚ ਲਿਆਦੀ ਗਈ। -ਨਿੱਜੀ ਪੱਤਰ ਪ੍ਰੇਰਕ