ਧੋਖਾਧੜੀ ਦਾ ਕੇਸ ਦਰਜ

ਜਗਰਾਉਂ (ਪੱਤਰ ਪ੍ਰੇਰਕ): ਪੁਲੀਸ ਨੇ ਜ਼ਮੀਨ ਵੇਚਣ ਦੇ ਨਾਮ ਹੇਠ ਬਿਆਨਾ ਲੈ ਕੇ 20 ਲੱਖ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ਹੇਠ ਇੱਕ ਮੁਲਜ਼ਮ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਮੁਲਜ਼ਮ ਦੀ ਪਛਾਣ ਰਛਪਾਲ ਸਿੰਘ ਵਾਸੀ ਪਿੰਡ ਡਾਂਗੀਆਂ ਵਜੋਂ ਹੋਈ ਹੈ। ਰਾਜਬੀਰ ਸਿੰਘ ਵਾਸੀ ਪਿੰਡ ਈਸੇਵਾਲ (ਮੁਲਾਂਪੁਰ), ਰਣਜੀਤ ਸਿੰਘ ਵਾਸੀ ਪਿੰਡ ਡੱਲਾ ਨੇ ਪੁਲੀਸ ਨੂੰ ਦੱਸਿਆ ਕਿ ਮੁਲਜ਼ਮ ਦਾ ਉਨ੍ਹਾਂ ਨਾਲ ਉਸ ਦੀ ਜ਼ਮੀਨ ਦਾ 32.50 ਲੱਖ ਵਿੱਚ ਸੌਦਾ ਤੈਅ ਹੋਇਆ ਸੀ ਅਤੇ ਬਿਆਨੇ ਵਜੋਂ 20 ਲੱਖ ਰੁਪਏ ਦੇ ਦਿੱਤੇ। ਰਛਪਾਲ ਨੇ ਬਿਆਨੇ ਦੇ ਕਾਗਜ਼ ਖਰੀਦਦਾਰ ਧਿਰ ਨੂੰ ਵਾਪਸ ਕਰਨ ਦੀ ਥਾਂ ਖੁਰਦ-ਬੁਰਦ ਕਰ ਦਿੱਤੇ ਅਤੇ ਰਕਮ ਦੇਣ ਤੋਂ ਮੁਕਰ ਗਿਆ। ਪੁਲੀਸ ਨੇ ਕੇਸ ਦਰਜ ਕਰ ਲਿਆ ਹੈ।