ਅਕਾਲੀ ਕੌਂਸਲਰ ਦੇ ਪਤੀ ਦੀਆਂ ਲੱਤਾਂ ਤੋੜਨ ਵਾਲਿਆਂ ਖ਼ਿਲਾਫ਼ ਕੇਸ ਦਰਜ

ਪੱਤਰ ਪ੍ਰੇਰਕ

ਮੁੱਲਾਂਪੁਰ ਗਰੀਬਦਾਸ, 10 ਜੂਨ

ਨਗਰ ਕੌਂਸਲ ਨਵਾਂ ਗਾਉਂ ਦੇ ਵਾਰਡ ਨੰਬਰ 3, ਨਾਡਾ ਸਿੰਘਾ ਦੇਵੀ ਵਿੱਚ ਅਕਾਲੀ ਦਲ ਪੱਖੀ ਕੌਂਸਲਰ ਬੀਬੀ ਤਾਰੋ ਦੇਵੀ ਦੇ ਪਤੀ ਦਰਸ਼ਨ ਕੁਮਾਰ ਉੱਤੇ ਹਮਲਾ ਕਰ ਕੇ ਕੁੱਟਮਾਰ ਕਰਦਿਆਂ ਉਸ ਦੀਆਂ ਲੱਤਾਂ ਤੋੜ ਨੇ ਦੇ ਮਾਮਲੇ ‘ਚ ਪੁਲੀਸ ਨੇ ਕੇਸ ਦਰਜ ਕਰ ਲਿਆ ਹੈ।

ਥਾਣਾ ਨਵਾਂ ਗਾਉਂ ਦੇ ਮੁਖੀ ਜੈਦੀਪ ਜਾਖੜ ਤੇ ਜਾਂਚ ਅਫਸਰ ਬਲਵੀਰ ਸਿੰਘ ਨੇ ਦੱਸਿਆ ਕਿ ਦਰਸ਼ਨ ਕੁਮਾਰ ਮੁਤਾਬਕ ਉਹ ਪਿੰਡ ਨਾਡਾ ਵਿੱਚ ਕਿਸੇ ਧਾਰਮਿਕ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋ ਕੇ ਵਾਪਸ ਘਰ ਆ ਰਿਹਾ ਸੀ। ਰਾਸਤੇ ਵਿੱਚ ਦੋ ਜਣਿਆਂ ਨੇ ਉਸ ਨੂੰ ਘੇਰ ਲਿਆ ਤੇ ਲੋਹੇ ਦੀਆਂ ਰਾਡਾਂ ਉਸ ਦੀਆਂ ਲੱਤਾਂ ‘ਤੇ ਮਾਰੀਆਂ। ਹਮਲਾਵਰ ਹਨੇਰੇ ਦਾ ਫਾਇਦਾ ਉਠਾਉਂਦੇ ਹੋਏ ਫ਼ਰਾਰ ਹੋ ਗਏ।