ਜਾਅਲੀ ਮਾਰਕਾ ਲਗਾ ਕੇ ਮਾਲ ਵੇਚਣ ਵਾਲੇ ਖ਼ਿਲਾਫ਼ ਕੇਸ ਦਰਜ
07:16 AM Apr 05, 2024 IST
Advertisement
ਲੁਧਿਆਣਾ: ਥਾਣਾ ਸਾਹਨੇਵਾਲ ਦੀ ਪੁਲੀਸ ਨੇ ਜਾਅਲੀ ਮਾਰਕਾ ਲਗਾ ਕੇ ਇੰਚੀਟੇਪ ਵੇਚਣ ਦੇ ਦੋਸ਼ ਹੇਠ ਇੱਕ ਜਣੇ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਦਕਿ ਉਸ ਦੇ ਸਾਥੀ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਸ ਸਬੰਧੀ ਗੌਰਵ ਪ੍ਰੀਕ ਫੀਲਡ ਅਪਰੇਸ਼ਨ ਮੈਨੇਜਰ ਸਪੀਡ ਨੈਟਵਰਕਸ ਅਧਿਕਾਰਤ ਫੀਮੈਂਨਸ ਮੈਸਰਜ ਜੁਗਿਆਣਾ ਨੇ ਦੱਸਿਆ ਹੈ ਕਿ ਅਮਨਦੀਪ ਸਿੰਘ ਅਤੇ ਉਸ ਦਾ ਸਾਥੀ ਅਸ਼ਵਨੀ ਭਾਟੀਆ ਹਮਮਸ਼ਵਰਾ ਹੋ ਕੇ ਫੇਸ-4 ਫੋਕਲ ਪੁਆਇੰਟ ’ਤੇ ਕੰਪਨੀ ਦਾ ਨਕਲੀ (ਡੁਪਲੀਕੇਟ) ਕਮਰਸ਼ੀਅਲ ਇੰਚੀਟੇਪ (ਫੀਤਾ) ਬਣਾ ਕੇ ਦੇਸ਼ ਭਰ ਵਿੱਚ ਵੇਚਦੇ ਹਨ। ਪੁਲੀਸ ਪਾਰਟੀ ਨੇ ਛਾਪੇ ਮਾਰ ਕੇ ਅਮਨਦੀਪ ਸਿੰਘ ਨੂੰ ਕਾਬੂ ਕਰ ਕੇ 75 ਇੰਚੀਟੇਪ ਡੁਪਲੀਕੇਟ, 8 ਬੋਰੇ ਕੱਚਾ ਮਾਲ, 10 ਕਿੱਲੋ ਸਟੀਲ ਰੋਲ ਬਰਾਮਦ ਕੀਤਾ ਹੈ। ਥਾਣੇਦਾਰ ਹਰਮੀਤ ਸਿੰਘ ਨੇ ਦੱਸਿਆ ਹੈ ਕਿ ਪੁਲੀਸ ਵੱਲੋਂ ਅਮਨਦੀਪ ਸਿੰਘ ਮਾਲਕ ਐੱਮਕੇ ਇੰਡਸਟਰੀਜ਼ ਵਾਸੀ ਅਰਬਨ ਅਸਟੇਟ ਫੇਜ਼-1 ਫੋਕਲ ਪੁਆਇੰਟ ਅਤੇ ਅਸ਼ਵਨੀ ਭਾਟੀਆ ਖ਼ਿਲਾਫ਼ ਕੇਸ ਦਰਜ ਕਰ ਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ। -ਨਿੱਜੀ ਪੱਤਰ ਪ੍ਰੇਰਕ
Advertisement
Advertisement