‘ਸਾਡਾ ਸ਼ਹਿਰ ਸਾਡਾ ਮਾਣ’ ਤਹਿਤ ਪੂਰਬੀ ਜ਼ੋਨ ਨੂੰ ਨਵੀਂ ਦਿੱਖ ਦੇਣ ਲਈ ਮੁਹਿੰਮ ਸ਼ੁਰੂ
ਖੇਤਰੀ ਪ੍ਰਤੀਨਿਧ
ਅੰਮ੍ਰਿਤਸਰ, 10 ਅਪਰੈਲ
ਨਗਰ ਨਿਗਮ ਨੇ ‘ਸਾਡਾ ਸ਼ਹਿਰ ਸਾਡਾ ਮਾਣ’ ਮੁਹਿੰਮ ਤਹਿਤ ਨਿਗਮ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਮਸ਼ੀਨਰੀ ਸਮੇਤ ਸੜਕਾਂ ’ਤੇ ਲਗਾ ਕੇ ਪੂਰਬੀ ਜ਼ੋਨ ਖੇਤਰ ਨੂੰ ਨਵੀਂ ਦਿੱਖ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਨਿਗਮ ਦੇ ਵਧੀਕ ਕਮਿਸ਼ਨਰ ਸੁਰਿੰਦਰ ਸਿੰਘ ਦੀ ਅਗਵਾਈ ਹੇਠ ਨਿਗਮ ਦੇ ਸਟਾਫ਼ ਅਤੇ ਮਸ਼ੀਨਰੀ ਨੇ ਪੂਰਬੀ ਜ਼ੋਨ ਖੇਤਰ ਦੇ ਚਮਰੰਗ ਰੋਡ ਤੇ ਈਸਟ ਮੋਹਨ ਨਗਰ ਵਿੱਚ ਸੀ.ਐਂਡ.ਡੀ ਵੇਸਟ ਅਤੇ ਕੂੜਾ ਇਕੱਠਾ ਕਰ ਕੇ ਟਿੱਪਰਾਂ ਅਤੇ ਟਰਾਲੀਆਂ ਰਾਹੀਂ ਸਫ਼ਾਈ ਕੀਤੀ।
ਇਸ ਮੌਕੇ ਐੱਸਈ ਸੰਦੀਪ ਸਿੰਘ, ਨਿਗਮ ਹੈਲਥ ਅਫਸਰ ਡਾ. ਕਿਰਨ ਕੁਮਾਰ, ਐਕਸੀਅਨ ਸਵਰਾਜ ਸਿੰਘ ਵਾਲੀਆ, ਐੱਸਡੀਓ ਗੁਰਪਾਲ, ਐਸ.ਡੀ.ਓ ਰਵਿੰਦਰ ਗਿੱਲ, ਚੀਫ ਸੈਨੇਟਰੀ ਇੰਸਪੈਕਟਰ ਵਿਜੇ ਗਿੱਲ, ਸੈਨੇਟਰੀ ਇੰਸਪੈਕਟਰ ਗਣੇਸ਼, ਸੈਨੇਟਰੀ ਇੰਸਪੈਕਟਰ ਸੰਜੀਵ ਅਰੋੜਾ, ਸੈਨੇਟਰੀ ਇੰਸਪੈਕਟਰ ਅਨਿਲ ਡੋਗਰਾ ਸ਼ਾਮਲ ਸਨ। ਸੀਵਰੇਜ ਸਿਸਟਮ ਦੀ ਹਾਲਤ ਖ਼ਰਾਬ ਹੋਣ ਵਾਲੀਆਂ ਥਾਵਾਂ ’ਤੇ ਮੌਕੇ ’ਤੇ ਸੀਵਰੇਡ ਦੀ ਸਫ਼ਾਈ ਕਰਵਾਈ ਗਈ। ਸਟਰੀਟ ਲਾਈਟਾਂ ਦੀ ਚੈਕਿੰਗ ਵੀ ਕੀਤੀ ਗਈ ਅਤੇ ਬੰਦ ਲਾਈਟਾਂ ਵੀ ਚਾਲੂ ਕੀਤੀਆਂ ਗਈਆਂ।