ਮੁੰਬਈ ’ਚ 6 ਮੰਜ਼ਿਲਾ ਇਮਾਰਤ ਨੂੰ ਅੱਗ ਲੱਗੀ, 50 ਵਿਅਕਤੀਆਂ ਨੂੰ ਬਚਾਇਆ

ਮੁੰਬਈ, 26 ਮਾਰਚ
ਮੁੰਬਈ ਦੇ ਉਪਨਗਰ ਮੁਲੁੰਡ ਇਲਾਕੇ ਵਿੱਚ ਅੱਜ ਸਵੇਰੇ ਛੇ ਮੰਜ਼ਿਲਾ ਕਾਰਪੋਰੇਟ ਇਮਾਰਤ ਵਿੱਚ ਅੱਗ ਲੱਗ ਗਈ। ਛੇਵੀਂ ਮੰਜ਼ਿਲ 'ਤੇ ਸਵੇਰੇ ਕਰੀਬ 9.25 ਵਜੇ ਅੱਗ ਲੱਗੀ ਅਤੇ ਇਮਾਰਤ ਧੂੰਏਂ ਨਾਲ ਭਰ ਗਈ, ਜਿਸ ਕਾਰਨ ਲੋਕ ਵੱਖ-ਵੱਖ ਮੰਜ਼ਿਲਾਂ 'ਤੇ ਫਸ ਗਏ। ਪ੍ਰਾਪਤ ਜਾਣਕਾਰੀ ਮੁਤਾਬਕ 50 ਵਿਅਕਤੀਆਂ ਨੂੰ ਬਚਾਇਆ ਗਿਆ ਹੈ। ਅੱਗ ਐੱਲਬੀਐੰਸ ਰੋਡ ’ਤੇ ਸਥਿਤ ਐਵੀਆਰ ਕਾਰਪੋਰੇਟ ਪਾਰਕ ਦੀ ਛੇਵੀਂ ਮੰਜ਼ਿਲ ’ਤੇ ਲੱਗੀ ਅਤੇ ਹਾਲੇ ਤੱਕ ਕਿਸੇ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ ਹੈ।